जय हो छठी मइया, जय हो छठी मइया,मिल-जुल के सब गाईं, जय छठी मइया।

जय हो छठी मइया, जय हो छठी मइया, मिल-जुल के सब गाईं, जय छठी मइया। तरसे नयनवा मइया, दरस तोहार, घाट पर बोलवनीं, सुन लीं पुकार। अरघ के बेरिया अइलीं, लेके थार, भर दीं सुख से मइया, अँगना-दुआर। सूरुज देव के किरिनिया, चमके अपार, जगमग भइल घाटवा, छठी के दरबार। गंगा जी के तीरे-तीरे, सजल बा घटवा, दीया से अँजोर भइल, गाँव के हर बटवा। सूप में नरियर-ठेकुआ, केरा अउर फलवा, भक्ति में भींजल बाटे, सबके मनवा। ढोलक बाजे धिन-धिन-धिन, बाजे झाँझ-मँजीरवा, बरत कइले से छठी मइया, जागे तकदीरवा। किरपा के नजरिया मइया, हमरो पर डालऽ, दुख-दलिद्दर सगरो मइया, घर से निकालऽ। जय हो छठी मइया, जय हो छठी मइया, मिल-जुल के सब गाईं, जय छठी मइया। साँझ के बेरिया भइल, डूबे लागल अदित, जल में खड़ा बानी, लेके मन में पिरीत। पियरी चुनरिया ओढ़ि के, माथे पर दउरवा, सबके मन में बसल बा, छठी मइया के नउवा। डूबत सुरुज देव के, अरघ चढ़वनीं, परिवार के मंगल खातिर, नेम निभवनीं। सुन लीं पुकार मइया, राखीं लाज हमार, तोहरे भरोसे बा मइया, जिनगी के आधार। जय हो छठी मइया, जय हो छठी मइया, मिल-जुल के सब गाईं, जय छठी मइया। भोर भइल, पुरुब दिशा, लालिमा छा गइल, सोना जइसन किरिनिया, धरती पर आ गइल। कोयलिया बोले लागल, जागल संसार, उगत सुरुज देव के, सब करे जोहार। जल में खड़ा होके, अरघ चढ़ाईं, छठी मइया के महिमा, मिल-जुल के गाईं। घर-घर होखे खुशहाली, मिटे सबके दुखवा, मइया के असीस से, भरे सबके सुखवा। जय हो छठी मइया, जय हो छठी मइया, मिल-जुल के सब गाईं, जय छठी मइया। माई के ममता रहे, बाबूजी के छाँव, हँसत-खेलत बीते अंकुर के गाँव। लइका-लइकी सभे रहें, जइसे फुलवारी, छठी मइया के किरपा, बरसे बारी-बारी। ना माँगीं सोना-चाँदी, ना माँगीं महलवा, बस बनल रहे मइया, प्रेम के बँधनवा। नेह अउर भरोसा के, जोत जराईं, जय हो छठी मइया, जय हो छठी मइया, मिल-जुल के सब गाईं, जय छठी मइया। मिल-जुल के सब गाईं, जय छठी मइया। गीत और संगीत: अंकुर द्विवेदी #chhathfestival #faithinnature #bhojpurigana #apnabihar #ekbihari #reels #chhathgeet2026 #bhfyphttps #explorebihar #reel #chhathimaiya #official #kedarnathyatra #chhathpujasong #chhathgeet #bihari #patnadiaries #indian #bihari_status #chhathmahaparv #bihartourism