Afg'onlar va Afg'oniston: Surxondaryodagi bizneslar

Surxondaryo viloyatida rasman 374 biznes yo afg'onlar qo'lida yo ular bilan hamkorlikka asoslangan. "Amerika Ovozi" Termizda va Angor tumanida ularning faoliyati bilan tanishdi. Hokimiyatda kim bo'lishidan qat'i nazar, deydi turar joy va mehmonxonalar qurayotgan kompaniya menejeri Ahmad Hakani, xususiy sektor bemalol ishlay olishi kerak. "Angor Index" kompaniyasidan Bahriddin Qurbonovga ko'ra, asosiy maqsad O'zbekiston iqtisodiyotini qo'shni mamlakatlar, xususan Afg'oniston bilan yaqindan bog'lovchi tizimlarni ishga solish. "Amerika Ovozi" Termiz bozorini ham aylandi, shuningdek, ekologik turizm namunalarini ham ko'zdan kechirdi.