ការលេចត្រដែតឡើងវិញ នៃគំនូរក្នុងព្រះវិហារព្រះកែវមរកត ដែលបានបាត់បង់ជាង៦០ឆ្នាំមកហើយ

ការលេចត្រដែតឡើងវិញ នៃគំនូរក្នុងព្រះវិហារព្រះកែវមរកត ដែលបានបាត់បង់ជាង៦០ឆ្នាំមកហើយ រូបគំនូរលើជញ្ជាំងព្រះវិហារព្រះកែវមរកត ក្នុងព្រះបរមរាជវាំងភ្នំពេញ ត្រូវបានគូរឡើងក្នុងរាជ្យព្រះបាទនរោត្តម (ចន្លោះឆ្នាំ ១៨៨៥-១៩០២) ពោលគឺប្រមាណ១២៥ឆ្នាំមុន។ ប៉ុន្តែស្នាដៃសិល្បៈដ៏កំពូលនេះ ត្រូវបានបាត់បង់ប្រមាណ៦៥ឆ្នាំមកហើយ នៅពេលដែលធ្នឹមឈើ និងដំបូលព្រះវិហារបានទ្រុឌទ្រោម និងជ្រាបទឹក ដែលទាមទារការរុះរើ និងជួសជុលជញ្ជាំងព្រះវិហារឡើងវិញ នាអំឡុងចុងទសវត្សរ៍ឆ្នាំ១៩៥០។ លោក គីលីយ៉ង់ ប្លែស សហប្រធានសារមន្ទីរសេដ្ឋកិច និងរូបិយវត្ថុ ព្រះស្រីឦសានវរ្ម័ន (ស.ស.រ.) បានរំឭកឡើងវិញ មុនការវាយជញ្ជាំងព្រះវិហារ ដើម្បីសាងសង់ថ្មីឡើងវិញ អ្នកជំនាញស្ថាបត្យកម្មដែលកាលណោះ ដឹកនាំដោយលោក វណ្ណ ម៉ូលីវណ្ណ បានឱ្យសាស្ត្រាចារ្យ នៃសាលាភូមិន្ទ វិចិត្រសិល្បៈ គូរចម្លងគំនូរទាំងស្រុងនៅក្នុងព្រះវិហារ ដើម្បីទុកគូរឡើងវិញ ក្រោយការជួសជុល។ ប៉ុន្តែជាអកុសល ភ្លើងសង្គ្រាម បានធ្វើឲ្យច្បាប់ចម្លង ត្រូវបានបាត់បង់ជារៀងរហូត។ ក៏ប៉ុន្តែ៥០ឆ្នាំក្រោយមក ដោយចៃដន់ សម្ដេចនរោត្តម ម៉ារី បានជួបប្រទះនឹងហ្វីលកញ្ចក់មួយចំនួន ដែលព្រះអង្គមិនអាចកំណត់អត្តសញ្ញាណបានទេ។ សម្តេច ក៏បានអនុញ្ញាតឲ្យសាស្ត្រាចារ្យ ប៊ែរណុង អូលីវិយេ ពីសាលាបារាំងចុងបូព៌ា ពិនិត្យមើលនិងវិភាគឱ្យដិកដល់ ទើបបានឃើញពីរឿងរ៉ាវដ៏អស្ចារ្យ នោះគឺចំណោមហ្វីលកញ្ចក់នោះ គឺជាគំនូរព្រះវិហារព្រះកែវមរកត ដែលបានបាត់បង់ជាយូរមកហើយ។ ផលិតដោយ៖ ថ្មីៗមីឌៀគ្រុប ដោយ៖ នាយ យ៉ាន សូមចុចចូលតេឡេក្រាមផ្លូវការរបស់សារព័ត៌មានថ្មីៗមីឌៀគ្រុប t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប! សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប! ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌ថ្មីៗមីឌៀគ្រុបតាមរយៈ 012 900 132/081 699 329 ឬតេឡេក្រាម t.me/salesttn ThmeyThmey Media Group: Youtube: https://bit.ly/2RNzknr Instagram: https://bit.ly/32QSFup Twitter: https://bit.ly/3iTsTuS Web: https://bit.ly/3hPEU3q Facebook: https://bit.ly/2FGyvKY Threads: https://bit.ly/44q1UPl © All Rights Reserved & Copyrights by Thmey Thmey Media Group #thmeythmey #thmeythmeynews #cambodianess #thmeythmey25 #ថ្មីៗ