"Səni hər halınla sevirəm!" | Xəyanət (96-cı bölüm)

Tural Könülə atasına xəbər vermədən getməməsini deyir. Sevil Hikmətə necə cavab verəcəyini bilmir. Hikmət isə ona qarşı hisslərinin nə qədər dərin olduğunu izah edir. Sevil yeni boşandığı üçün öz hisslərini hələ tam anlaya bilmədiyini desə də, Hikmətə şans verməyə razılaşır. Tural Mələyin yanına gəlir və onu yatarkən izləyir. Bu arada Könül Yaşarın ailəsi ilə vidalaşmaq üçün söhbət edir. Hər kəsin səhvləri olduğunu deyərək Almazdan balasına qarğış etməməsini xahiş edir. Almaz isə Könüldən üzr istəyir. Halallaşdıqdan sonra Könülgil evdən gedirlər. Tural Tahirə psixoloji vəziyyətinin yaxşı olmadığını izah etməyə çalışsa da, Tahir bunu qəbul etmir. Rəfiqə Hikmətin Sevil ilə münasibətinə o qədər qarşıdır ki, bu məsələni Almazla danışmaq istəyir. Yaşar Turalın daim dərdli olduğunu görür və nəhayət, onun Dilarə ilə niyə evlənmək istədiyini anladığını deyir: Tural Mələyi sevir. Layihə rəhbəri: Cövdət Şükürov Quruluşçu rejissor: Pərviz Həsənov Ssenari müəllifləri: Gəray Həsən, Pərizad Allahverdiyeva #xezermedia #xezerfilm #xeyanet