रामघळ गुहा ट्रेक | Ramghal Trek | Koyna Tourism Places | Trek

आपणा सर्वानाच रायगडमधील समर्थ रामदासांची पवित्र शिवथर घळ ब-यापैकी माहीत आहे.याच पंक्तीतली एक सुंदर घळ सातारा जिल्ह्यातील कोयनानगरजवळ आहे. तिचं नाव ‘रामघळ’. समर्थ रामदासांच्या पदस्पर्शाने पावन झालेली ही रामघळ काहीशी अपरिचित आहे. सातारातून कोयनानगरला जावे. तिथून कुंभार्ली घाटरस्त्यावरच हेळवाक नावाचे गाव लागते. या गावाच्या डाव्या बाजूलाच रामघळीकडे जाण्यासाठी वाट आहे. ही वाट चाफ्याचा खडक येथील धनगरपाडयापर्यंत जाते.याच गावावरून साता-यातील दुर्गमात दुर्गम अशा भैरवगडाच्या वाटेवर एक फाटा फुटतो. येथून तासाभराच्या अंतरावर ही निसर्गरम्य रामघळ आहे. अर्धचंद्राकृती आडवी पसरलेली ही रामघळ आत जवळपास वीस फुटांपर्यंत आहे. वर डोक्यावर दगडाचे छप्पर.हा सारा परिसर निबीड चांदोळी अभयारण्यात स्थित आहे. मुख्यतः घळीकडे जाण्याचे तीन मार्ग हेळवाक -चाफेखडक-रामघळ कोंडावळे - राममंदिर- रामघळ कुसवडे -बाविचावाडा-रामघळ मंदिरा कड़े जाताना एक राममंदिर आहे. पावसाळामध्ये तर या घळीच्या सौदर्यात धबधब्या मुळे अजुनच भर पडते. घळीच्या चारी बाजुने चांदोली अभयारण्याचे घणदाट जंगल असल्यामुळे प्राणि पक्क्ष्याचे वास्तव असल्याने वनखात्याने काही निर्बध घातले आहेत. Contact : 9923371689