DD News Mizoram Chanchinthar | 2 November 2026 | 6:30 PM

CHANCHINTHAR LANGSAR Local: 1. Chief Minister Pu Lalduhoma hovin vawiin khan 'Advisory Committee on AR Land' an thukhawm. 2. UD&PA Minister Pu K. Sapdanga chuan Mizoram Urban Development Agency Limited (MUDAL) hnuaia hnathawh hrang hrangte a hmunah tlawhin a enfiah. 3. Higher and Technical Education Department Dr. Vanlalthlana chuan 'Five Day National Orientation cum Workshop on Leadership Development for College Principals of North East' India chu khuallian niin a hmanpui. 4. Agriculture Minister PC Vanlalruata hovin Handholding policy hnuaia tualchhunga thlai thar chhuahte tihral dan tur relin Mizoram Agriculture Marketing Board (MAMB) an thukhawm. 5. Central Government Employees Welfare Coordination Committee (CGEWCC) buatsaih Inter-Departmental Sports Meet 2026 chu vawiin khan Pachhunga University College Auditorium-ah hawn a ni. 6. Dan lova pension la zawn chhuahna kal zelah pensioner leh family pension la, an mahni ngei inlan a, enfiahna hun chu vawiin atang khan Treasury office-ah neih a ni. 7. National Cadet Corps-te inelna, All India Inter Directorate Drone Competition 2026-ah '1 Mizo Air Sqn cadet' pahnih telna North Eastern Region (NER) Directorate an champion. 8. Mizoram Journalist Association (MJA) Kolasib District ten Kolasib District chhung inkalpawhna kawngpuite siamthat thuai a nih theih nan hma lak an tum. National: 1. Prime Minister Narendra Modi chuan New Delhi-a Bharat Mandapam-ah khawvel huap inkhawmpui lian, 'Bharat Renewable Energy Summit and Expo 2026' chu vawiin khan a hawng. 2. Indian Navy te hman tur 'next-generation corvette' pariat siam turin Defence Ministry chuan GRSE leh GSL-te cheng vaibelchhe 53,800 chuang man hu inremna thuthlung a ziahpui. 3. National Security Adviser Ajit Doval chuan Vietnam khawpui Hanoi-ah, Vietnam Deputy Prime Minister leh Defence Minister ni bawk, General Phan Van Giang kawmin, ram pahnihte inkara venhimna kawnga thawhdun dan tur leh thawhhona tihchak zel dan tur a sawipui. 4. Kumin October thlaa India ram puma Goods and Services Tax (GST) chhunluh chu nikum nena tehkhinin za zela 23 velin a pung a, cheng vaibelchhe nuai 2.31 chuang a tling. 5. Cyclone Thlipui 'Murasu' chuan Andhra Pradesh tuipui kam a pan mek avangin state chhungah inralrinna sang ber puan a ni. 6. Colombo-a Asia-Pacific Broadcasting Union Prizes 2026 semnaah, 'Prasar Bharati' chuan chawimawina pahnih a dawng. 7. Bangladesh-a thawmhnaw siamna a thawkte chuan hlawh pun phutin, ni hnih chhung a zawnin Dhaka, Gazipur leh Ashulia khawpuiah te lungawilohna an lantir chhunzawm. Follow DD Mizoram:   / ddnewsmizoram     / ddnews_mizoram     / ddnewsmizoram