សមាគមសិល្បៈខ្មែរនៅបារាំង និងនៅអាមេរិករួមគ្នាដំឡើងទស្សនីយភាព រាមកេរ្តិ៍

នៅថ្ងៃអាទិត្យទី១៩​មករា ២០២០ នៅជាយក្រុងប៉ារីស មានការសំដែងទស្សនីយភាព រឿងរាមកេរ្តិ៍ ដែលរៀបចំដំឡើងរួមគ្នា ជាលើកទី១ ដោយសមាគមសិល្បៈ ខ្មែរ ដែលមានទីតាំងនៅប្រទេសបារាំង និងសមាគម របាំអង្គរ មកពីទីក្រុងLowell Massachusetts សហរដ្ឋអាមេរិក។ ការសំដែងរួមបញ្ចូលគ្នារវាងក្រុមរបាំខ្មែរ មកពីអាមេរិក និងបារាំង ជាគំនិតផ្តួចផ្តើមរបស់សាស្រ្តាចារ្យរបាំ២រូប គឺលោកស្រី ម៉ម កនិ្នការ និងលោកស្រី ហ៊ុយ ភូស៊ីតា។ យុវជនខ្មែរ​ ដែល​ជា​អ្នករបាំទាំង១៤នាក់​របស់​សមាគម​ក្រុមរបាំអង្គរ​នៅទីក្រុង​ឡូវែល សហរដ្ឋអាមេរិក​បានចំណាយថវិកា​ផ្ទាល់ខ្លួន​សម្រាប់​ធ្វើដំណើរ​មក​សំដែងរួមគ្នា​ជាមួយ​សិស្សរបាំ​នៃសមាគម​សិល្បៈខ្មែរ​នៅប្រទេសបារាំង