Бейнеудегі сүт тағамын шығаратын бірегей зауыт

Өңір экономикасының дамуы ең алдымен жергілікті өндірістің өркендеуімен тығыз байланысты. Өз кәсібін дөңгелетіп, нарықты отандық өніммен қамтамасыз етіп отырған кәсіпорындар ішкі сұранысты өтеумен қатар, жаңа жұмыс орындарын ашып, ауыл-аймақтың әлеуметтік-экономикалық әлеуетін арттыруға үлес қосады. Маңғыстау облысының Бейнеу ауылындағы “Әділ” сүт зауыты да - жергілікті өндірісті дамытуға бағытталған кәсіпорындардың бірі. Күнделікті тұтынатын сүт өнімдерін өндіру арқылы зауыт халық сұранысын өтеуге, отандық өнім үлесін арттыруға жұмыс жасап келеді. Бейнеудегі өндірістің тыныс-тіршілігі, сүт өнімдеріне деген сұраныс, кәсіп жүргізудің қыр-сыры мен зауыттың алдағы жоспары жайында тұрақты айдарымызда “Әділ” сүт зауытының директоры Олжас Нәдіровпен сұхбаттастық.