"PAKAIYA KIPA JING" || PR. THANGNEISEM CHANGSAN || SERMON

46 Channa K.C.C. Assam Synod Khoppi, Lasang Christian Church, Bulte 16, 2024 Pathen houkhomna thupi Pr. Thangneisem Changsan in aseina ahi. May 3, 2023 a kipat Kuki nam mite dia muthim chu ahung kipan tan, in le lou, gam leiset tampi ichan-uva, nunao chapang, tehse chatmo jeng jong hepina beihel a eikinolnao ho Kukite lungthim a acheng jing tan hijehchun, kipana ding him him ina neipouve. Hitabang, hepina beihel a kibolna hi Kukite chung jengseh hilouvin Solchah Paul hinkho jong chu bolgimna dimset hinkho ana hi. Paul chu songkul vel tampi ana lut in, Philippi a um tahsan ho lekha athoh a jong chun Songkul ana tange. Ahin, songkul a umpan songkul a umlou Philippia tahsan hochu Kipah diuvin ana tilkhouve. Silas toh songkul ana lut lhonin, kipa tahin lasah le taona ana nei lhone. Leiset thua kipa ding hileh Paul chun kipana him him anei lou ding ahin, Paul kipana chu Pakaiya kipah ahi. Mihem jong Pakai ineiya, Pakaiya kipana ineikhah le hinkho chu nom hen, hahjong leh kipa jing ding ihiuve.