玄戰｜黑白先知對壘勢均力敵 樊亦敏做客席評審被讚有料

玄戰｜黑白先知對壘勢均力敵 樊亦敏做客席評審被讚有料 TVB玄學節目《玄戰》嚟到呢個星期戰況越嚟越激烈，成功晉級嘅5位「黑先知」，將會正面交鋒5位「白先知」，包括Jim Sir、Angel、阿元、Aster同KK孔。9月7號播出嘅一集中，Angel對戰阿嵐，Angel竟然100%估中嘉賓莊思敏，24年前收到媽媽乜神秘禮物，連一眾主持都話不可忽視白先知嘅能力，準繩度高到令大家起雞皮。 洪永城就話有一位「白先知」擁有嘅能力係一望你就已經可以睇得出你嘅身世、財富，就連銀行密碼都睇得出，佢仲為陳懿德預測咗一啲嘢添！ 黑白兩大陣營正面對決，第一戰勢均力敵、好有睇頭。Jim Sir同Angel大讚黑先知嘅定海神John實力強。至於KK孔就睇好同屬白先知嘅呂焯雲，亦讚對方謙虛，不過佢對於定海神John嘅推算能力表示肯定。阿John就覺得自己參加完節目後，直覺靈感有所提升，好似學完嘢一樣。 喺呢個星期，樊亦敏同楓燧就會強勢加盟坐鎮全新客席專業評審，麥玲玲師傅對Amy睇人睇事嘅眼光表示讚賞。Amy就感謝節目組邀請，令佢可以用自己嘅知識發揮一下，而佢都好欣賞一眾參賽者，仲話大家令佢毛管戙。 #TVB綜藝 #玄戰 #玄學節目 #黑白先知 #洪永城 #陳懿德 #甄敏芳 #樊亦敏 #楓燧 #麥玲玲 #陳定邦 #KK孔 #呂焯雲 #定海神John #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0