《不想再受綁》Official Music Video

🎵【舊歌新煮，AI 落鑊！第二彈：《不想再受綁》】 當年嘅迷惘、掙扎，同嗰種身不由己嘅感覺…… 隔咗咁多年，今日嘅你，仲有冇同感？定係已經睇化晒，只係仲未搵到出口？😅 🎸【歌曲背後：在廚房誕生的第一首歌】 呢首歌係我人生創作嘅第一首歌。 記得當時係深夜，自己喺廚房彈住結他，用僅懂嘅幾個 Chord（其實而家都係 🤣），參考咗 "Let it be"，寫出咗「星不在閃...歌聲已遠... Ho A Ho」嘅初稿。 後來喺大學認識咗幾個志同道合嘅朋友，五個「理科仔」組成樂隊 "Integration"（當時仲有人問，做咩唔叫 Differentiation 🤪）。隊友Paul 寫落咗一段詞「我說過我有方向...」完美放落 Chorus 前，就咁成為咗我哋第一首原創歌，喺旺角總統琴行嘅 Band 房彈奏起來。 曲譜晨早冇咗，卡式帶亦只錄到一段正歌，第二段歌詞我已經徹底忘記咗，唯有重複兩次，Chorus 亦好似比記憶中弱咗少少，但我已經盡力去還原當年嘅風格同味道。 🎬【影片製作｜人手諗橋，AI 開工】 由概念、構思到影像生成，全由自己一手包辦，再交畀 AI 幫手實現。 冇專業團隊，冇大製作公司，只有一部電腦、一個創作腦，同埋唔知幾多個通宵。😂 舊歌有舊歌嘅味道，AI 有 AI 嘅玩法。你聽到嘅，係當年嘅自己，定係今日嘅你？ 💡【支持本地創作】 如果你都鍾意呢種舊時代回憶 x 現代 AI 嘅碰撞，請【訂閱】支持下我呢個新頻道，留個言分享下你嘅夾 Band 回憶！ #不想再受綁 #2fire3wood #AI音樂 #原創歌曲 #香港樂隊 #卡式帶 #廣東原創歌