الصن بلوك والصابون وكريمات البشرة.. إيه الصح وإيه الغلط؟ مع متخصصة التجميل هالة القاضي | ست الستات

يا ترى العناية بالبشرة رفاهية، ولا جزء مهم من اهتمامنا بصحتنا وجمالنا؟ 🤔 كل واحدة فينا بتحلم ببشرة نضرة ومشرقة، لكن مع اختلاف أنواع البشرة وكثرة المنتجات الموجودة في الأسواق، بنحتار: إيه اللي يناسب بشرتنا؟ وإزاي نختار المنتجات الصح اللي تساعدنا نهتم ببشرتنا ونحافظ عليها؟ النهارده في فقرة الصالون، هنفتح ملف العناية بالبشرة، من كريمات الوجه والجسم والإيدين، لصن بلوك الحماية من الشمس، وكريمات العناية بمنطقة تحت العين، وصولًا لأنواع الصابون المختلفة وكل ما يخص جمال بشرتنا واهتمامنا بيها. وضيفتنا النهارده الأستاذة هالة القاضي، اللي هنتعرف معاها على مجموعة متنوعة من منتجات العناية بالبشرة، وهنناقش إزاي نختار المنتج المناسب، وإيه أهم النصائح اللي تساعدنا نهتم ببشرتنا بطريقة صحيحة.