ബുദ്ധിയുള്ള ഭ്രാന്തന്മാർ - Moulana Najeeb Moulavi

സുഖസുഷുപ്തിയിൽ കിടന്നുറങ്ങി ഭക്തി പ്രസംഗിക്കുന്ന, ബുദ്ധിയുണ്ടായിട്ടും ഭ്രാന്തന്മാരായ നാമെല്ലാം ഉൾക്കൊള്ളുന്ന ആളുകളാണ് യഥാർഥത്തിൽ തനി വിഡ്ഢികളും ബുദ്ധിശൂന്യരും.. ആളുകളുടെ കാഴ്ച്ചപ്പാടിൽ ഭ്രാന്തന്മാരായി മുദ്ര കുത്തപ്പെട്ട, ഉവൈസുൽ ഖർണിയും ബുഖ്ലൂലും സഅദൂനും (റളിയല്ലാഹു അൻഹും) അടക്കമുള്ള, ദുനിയാവിന്റെ പുറംതോടിലെ സാംബ്രദായിക പ്രവർത്തന മണ്ഡലങ്ങൾക്ക്‌ അപ്പുറം ചിന്തകളെ മറ്റൊരു ലോകത്ത്‌ തളച്ച ബുദ്ധിയുള്ള ഭ്രാന്തന്മാരുടെ നാവുകളിൽ നിന്ന് വന്നിരുന്നത്‌ മഅരിഫത്തിന്റെ മധു നുകർന്ന വണ്ടിന്റെ ആനന്ദ സീൽക്കാരങ്ങളായിരുന്നു. അവിടെ ചുറ്റുപാടുകളിലെ ആരവങ്ങളും കൂക്കിവിളികളും അവർ കേൾക്കുന്നേയില്ലായിരുന്നു..\ ദുനിയവിയ്യായ ലോകത്തിൽ ലയിച്ച്, എല്ലാ കർമ്മങ്ങളിലും ആളുകൾ കാണുന്നതും കേൾക്കുന്നതും പേടിച്ചും പ്രതീക്ഷിച്ചും രിയാഇന്റെ കപടതക്ക് അടിമപ്പെട്ട, ഏകനായ നാഥന്റെ കാഴ്ച്ചയും കേൾവിയും ഭയമോ ഉത്കണ്ഡയോ ഉണരാത്ത നമ്മളല്ലേ യഥാർത്ഥത്തിൽ വിഡ്ഢികളും ഭ്രാന്തന്മാരും? ചുറ്റുപാടുമുള്ളവർ തന്നെ എങ്ങനെ കണ്ടാലും തന്നെ സൃഷ്ടിച്ചു പരിപാലിച്ചു വരുന്ന റബ്ബിന്റെ കാഴ്ച്ചയെ പറ്റിയോർത്ത് തന്നെ തന്നെ മറന്ന് അവനെ അറിയാൻ വേണ്ടി ദുനിയാവിന്റെ സൗകര്യങ്ങൾ എല്ലാമൊഴിച്ച് ജീവിക്കുന്നവരാണ് ബുദ്ധിമാന്മാർ, ബുദ്ധിയുള്ള ഭ്രാന്തന്മാർ..!!!!!! (عقلاء المجانين)