Adaraya Komawak | ආදරය කොමාවක් | Kasun & Dulma | Hemamali Hapuarachchi

#HemamaliHapuarachchi #Lyricsvideo #sinhalasong ♪ Singer - Kasun Kalhara & Dulma Shankadima Dissanayake ♪ Lyrics - Hemamali Hapuarachchi ♪ Melody, Music Composing and Music Arrangements - DRD Darshana Ruwan Dissanayake අපි හැමෝම රිදෙන බිඳෙන මිනිස්සු.ඒ අතර සිටින මමත් රිදුම් දැනෙන කෙනෙක්. මගේ සමහර රිදුම් කඳුළු වෙද්දි සමහර රිදුම් අකුරු උනා. ඒවා හැමෙකක්ම පුද්ගලික අත්දැකීම් නෙවෙයි. මගෙ ආසන්න කවයෙ අයගෙ දුක, වේදනාව දයාව, කරුණාව,බැඳීම් , කැපකිරීම්, දරාගැනීම් ගිළිහීම්, වගේම ඒ හැඟීම් වලට ලැබුනු සමාජමය ප්‍රතිචාර වලිනුත් මට රිදුනා. ඒ රිදුනු අකුරු වලින් පොත් වල අග පිටු, ෆයිල් කවර, දිනපොත් අක්‍රමවත්ව පිරුනා. ඒවා පුද්ගලික වගේම පොදු සමාජ කාරණා. නීතිඥ ජීවිතේම, නීතිඥ භූමිකාවම මහා විශාල තක්සලාවක්. විවිධ මිනිස්සු, විවිධ අත්දැකීම් ලබාදෙන තෝතැන්නක්. හරියටම නිලය අල්ල ගත්තොත් යථාර්ථයේ හා ෆැන්ටසියේ බෙදුම් රේඛා උසාවියෙදි හමුවෙනවා. දරුවො බදන් අඬන තාත්තලා, දරුවගේ අයිතිය ඉල්ලා සටන් වදින තාත්තලා, තාත්තලාගේ උණුහුමට ගුළිවෙන්න හඬන දරුවන්ගෙ කඳුළු වලින් හැමදාම උසාවි බිම පෙඟෙනවා. මේ පිරිමි වැළපීම් දකින්න තරම් නීතිය හා ගැහැණු සංවේදී නෑ. මුළු මහත් මානව ප්‍රජාවම හැදිල තියෙන්නෙ ගැහැණු කඳුළක දිග පළලට වටිනාකම් දෙන්න මිසක නොහඬා හඬන පිරිමි කඳුලක ගැඹුර දකින්න නෙවි. ගැහැණුන්ගෙ කැප කිරීම් ගැන, කතා කලාට පිරිමින්ගෙ කැපකිරීම් ගැන කවුරුවත් කතා කරන්නෙ නෑ. ගැහැණුන්ගෙ දරාගැනීම් ගැන , කතා කලාට පිරිමින්ගෙ දරාගැනීම් ගැන කවුරුවත් කතාකරන්නෙ නෑ. මේ ගැහැණු පිරිමි හැඟීම් ගී උල්පත්. සංවේදනා උල්පත්. මෙන්න මේ රිදුම් තමයි ගී මල් වෙලා පිපුනෙ. ඒ මල් වල හැඩය,පැහැය,සුවඳ තමයි ගීත වෙලා සොබා දහමට මුදාහරින්නෙ. ආත්මාර්ථයේ කඳුළු වෙනුවට පරාර්ථයේ කඳුළක් ඉපදෙන හිතක් හිමිවීමම භාග්‍යයක් ලෙසයි මං දකින්නෙ. ඉතින් මානව දයාවේ කඳුළු   අහුලන්න එන්න.