The Little Office of the Immaculate Conception

Officium parvum Conceptionis Immaculatae Kleine Getijden van de Onbevlekte Ontvangenis Ad Completorium Ave, o Theotokos! Ave, o Mater Dei! Ave, Ave Maria! Ave, Ave Maria! Salve, Mater misericordiae, Mater Dei et Mater veniae, Mater spei et Mater gratiae, Mater plena sanctae laetitiae, O Maria! Te beatum laudare cupiunt Omnes justi, sed non sufficiunt; Multas laudes de te concipiunt, Sed in illis prorsus deficiunt, O Maria! V. Convertat nos, Domina, tuis precibus placatur Iesus Christus Filius tuus. R. Et avertat iram suam a nobis. V. Domina, in adiutorium meum intende. R. Me de manu hostium potenter defende. V. Gloria Patri, et Filio, et Spiritui Sancto. R. Sicut erat in principio, et nunc, et semper, et in saecula saeculorum. Alleluia*. SALVE, virgo florens, mater illibata, regina clementiae, stellis coronata. Super omnes angelos pura, immaculata, atque ad regis dexteram stans veste deaurata. Per te, mater gratiae, dulcis spes reorum, fulgens stella maris, portus naufragorum. Patens caeli ianua salus infirmorum videamus regem in aula sanctorum. Amen. V. Oleum effusum, Maria, nomen tuum. R. Servi tui dilexerunt te nimis. V. Domina, exaudi orationem meam. R. Et clamor meus ad te veniat. Oremus Sancta Maria, Regina caelorum, Mater Domini nostri Iesu Christi, et mundi Domina, quae nullum derelinquis, et nullum despicis: respice me, Domina, clementer oculo pietatis, et impetra mihi apud tuum dilectum Filium cunctorum veniam peccatorum: ut qui nunc tuam sanctam et immaculatam conceptionem devoto affectu recolo, aeternae in futurum beatitudinis, bravium capiam, ipso, quem virgo peperisti, donante Domino nostro Iesu Christo: qui cum Patre et Sancto Spiritu vivit et regnat, in Trinitate1 perfecta, Deus, in saecula saeculorum. Amen. Chapelle Saint Rémy - Abée Tinlot