ଯୀଦାନ୍‌ ଦାଃଆରେନ୍ ସେତେଙ୍ଗ୍, ସିର୍ମାରେନ୍ ଏଙ୍ଗା ୟୀରୁଶାଲେମ୍ | ପାର୍‌ମେଶ୍ୱାର୍‌ଆଃ କାଲିସିୟାରେ

ପାର୍‌ମେଶ୍ୱାର୍‌ ତିସିଙ୍ଗୋଗେ ଏନ୍ ଟାୟାଦ୍‌ରେ ପାବିତ୍ର ଆତ୍ମାଏ ଏମେତାନା ଅକନ୍ତାରେ ଜାମ୍ବାଡ଼ା ପାର୍ବ ମାନାତିଙ୍ଗଃ ତାନା ପାର୍‌ମେଶ୍ୱାର୍‌ରେ ବିଶ୍ୱାସେତାନ୍‌କ, ପାର୍‌ମେଶ୍ୱାରାଃ ଇନିତୁ ଲେକାତେ ଜାମ୍ବାଡ଼ା ପାର୍ବ ମାନାତିଙ୍ଗ୍‌ଗେ ଲାଗାତିଙ୍ଗା। ଚିୟାଃଚି ପାର୍‌ମେଶ୍ୱାର୍‌ ଜାକ୍ରେୟା ନାବିୟାଃ ହୋରାତେ ଜାମ୍ବାଡ଼ା ପାର୍ବ ମାନାତିଙ୍ଗେତାନ୍‌କକେ ପାବିତ୍ର ଆତ୍ମା ଏମଃୱାଁ ଅଡ଼ଃ କା ମାନାତିଙ୍ଗେତାନ୍‌କକେ ସାଜାଇ ଏମଃୱାଁ। ପାର୍‌ମେଶ୍ୱାରାଃ କାଲିସିୟା ଜାମ୍ବାଡ଼ା ପାର୍ବାଏ ମାନାତିଙ୍ଗେତାନା, ଅଡ଼ଃ ଆତ୍ମା ଆର୍ କନେୟାଁଲଃତେ, ଯୀନିଦ୍ ଦାଃଆଏ ଏମେତାନା ୟୀଶୁ ଆୟାଃ ସିଦା ହିନିଜୁଃରେ, ଆର୍ ଏଟାଃ ହିନିଜୁଃରେ ଆତ୍ମା ଆର୍ କନେୟାଁ ଜାମ୍ବାଡ଼ା ପାର୍ବରେ ପାବିତ୍ର ଆତ୍ମାକିନ୍ ଏମେତାନା। ଧାରାମ୍ ପୁଥିରାଃ ଆୟାର୍‌କାଜିକରେ, “ଆତ୍ମା ଆର୍ କନେୟାଁ ଯୀନିଦ୍ ଦାଃଆକିନ୍ ଏମେତାନା,“ “ୟୀରୁଶାଲେମେତେ ଯୀନିଦ୍ ଦାଃଆ ଲିଙ୍ଗି ଅଡ଼ଙ୍ଗଃୱା,” ଅଡ଼ଃ “ଯୀନିଦ୍ ଦାଃଆ ରେୟାଃ ଗାଡ଼ା ପାର୍‌ମେଶ୍ୱାରାଃ ସିହାଁସାନେତେ ଅଡ଼ଙ୍ଗ୍‌ତାନା,” ନେୟାଁ ଏନାଏ ଉଦୁବେତାନା ଚି ୟୀରୁଶାଲେମ୍ ସିର୍ମାରେନ୍ ଏଙ୍ଗା ହଡ଼ହନ୍‌କକେ ପାବିତ୍ର ଆତ୍ମା ଆର୍ ଯୀଦାନ୍‌ ରେୟାଃ ଇନିତୁଏ ଅମାକଆ। ଅଡ଼ଃ ୟାହୁଦୀକୱାଃ ଜାମ୍ବାଡ଼ା ପାର୍ବ ନାଣେଃୟାଁକାନ୍ ତାଇକେନା। ଅଡ଼ଃ ତାୟମ୍‌ ହୁଲାଙ୍ଗ୍ ପାର୍‌ମେଶ୍ୱାର୍‌ରାଃ ମାରାଙ୍ଗ୍ ହୁଲାଙ୍ଗ୍‌ରେ ୟୀଶୁ ତିଙ୍ଗୁୟାଁନ୍ତେ ଜେତାଏ ତେତାଙ୍ଗିରେଦ ଆଇଁଙ୍ଗ୍‌ତାଃ ହିଜୁଃକଃତେଏ ନୁଁଏକା। ଧାରାମ୍ ଅନଲ୍‌ରେୟାଃ କାଜିଲେକା ଆଇଁଙ୍ଗ୍‌ରେ ବିଶ୍ୱାସ୍‌ତାନିୟାଃ ଲାଈଏତେ ଯୀଦ୍ ଦାଃଆରେୟାଃ ଗାଡ଼ାକ ଲିଙ୍ଗିୟଃୱା ମେନ୍ତେୟାଏ କାଉରିକେଦା। ଇନିଃରେ ବିଶ୍ୱାସ୍‌ତାନ୍‌କ ନାମୀ ଆତ୍ମା ନାଗେନ୍ତେ ନେୟାଁଏ କାଜିକେଦା, ପାବିତ୍ର ଆତ୍ମାଦ ଇମ୍‌ତାଙ୍ଗ୍‌ ଜାକେଦ୍ କାଏ ଏମାକାନ୍ ତାଇକେନା। ଯୋହାନ୍ 7:2-39 ଅଡ଼ଃ ଆତ୍ମା ଆର୍ କନେୟାଁ “ହିଜୁଃମେକିନ୍!” ମେନେତାନା, ଅଡ଼ଃ ଆୟୁମେନିଃ “ହିଜୁମେୟାଁଏ!” ମେନେକା, ଅଡ଼ଃ ତେତାଙ୍ଗ୍‌ନିଃଏ ହିଜୁଃକା, ଅଡ଼ଃ ସାନାଙ୍ଗ୍ ତାନିଃ ଯୀନିଦ୍ ଦାଃଆ ବେଗାର୍ ଗନଙ୍ଗ୍‌ତେୟାଏ ନାମ୍‌ଜମ୍‌କା। ଉନୁଦୁବ୍‌କାଜି 22:17 [ନେ ବିଡ଼ିଓ ପାର୍‌ମେଶ୍ୱାର୍‌ଆଃ କାଲିସିୟାରେ ବାଇୟାକାନା ଅଡୋଃ ମେନାଆଃ, ଏନା ନାଗୀନ୍ତେ ବେଗାର୍ କାଜି ଆଲୋକାବୁ ନକାଲ୍ ଲେୟା ।] 〖World Mission Society Church of God〗https://watv.org