{عرفوه بالعلم}(13) يالوح اللوح

خلصنا الفيزيا الحمد لله؟ خلونا بقى نقب على وش الكوكب تاني و ناخدلنا لفة كده مع الجيولوجيا شوية.. *** من أواخر الحاجات اللي عمل ألبرت أينشتاين قبل وفاته في ١٩٥٥.. انه كتب مقدمة لكتاب لجيولوجي اسمه "هابجود"Hapgood.. الكتاب كان عنوانه "قشرة الأرض المتحركة".. -- الكتاب كان بيهدم فكرة ان القارات عايمة على وش المية و بتتحرك.. الفكرة اللي كانت رايجة أيامها.. هابجود سخر من فكرة ان حدود القارات المقابلة لبعضها.. فيها شبه من بعض.. كأنهم كانوا في يوم من الأيام لازقين في بعض.. و الكلام عن ان أمريكا الجنوبية و أفريقيا عاملين كأنهم ممكن يكملوا بعض زي البازل.. و ان أنواع الصخور على الضفتين زي بعض.. و اتكلم عن دراسات عملها جيولوجيين بالفعل أثبتت ان مافيش أي تشابه بين ضفاف القارتين في أنواع الصخور.. مع ان ده مش حقيقي.. لأن كتير من التكوينات الصخرية على ضفتين المحيط الأطلسي.. مش هانقول شبه بعض.. لأ دول هم هماهم نفس الحاجة بالظبط.. بس الفكرة دي ما أقنعتش هابجود ولا كتير من الجيولوجيين في أيامه.. الفكرة اللي كان بيتكلم عنها هابجود طرحها لأول مرة جيولوجي أمريكي هاوي سنة ١٩٠٨ اسمه فرانك تيلور..Frank Bursley Taylor.. -- فرانك لفت نظره جدا التشابه في شكل حواف قارة أفريقيا و قارة أمريكا الجنوبية.. فبدأ يطور فكرة ان القارات عايمة على وش المية و بتتحرك و كانوا في يوم من الأيام لازقين في بعض.. و قال ان ساعات القارات كانت بتخبط في بعضها.. فده اللي عمل سلاسل الجبال.. بس ماقدرش يثبت زي حاجة من الكلام ده.. عشان كده ماحدش اهتم بكلامه و اعتبروه بيخرف.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com