5年移民2次 港中佬為子鋪路 4個原因由溫哥華搬到渥太華 │住加男人的故事

#住加男人 #Canmen #住加男人的故事 為選擇良好教育環境俾小朋友，古有「孟母三遷」，今有「中坑雙遷」。現居加拿大安省華嘅楊先生（Gary），2016年從香港移民溫哥華，疫情期間再由加拿大西岸搬到東岸渥太華，為嘅，都係想下一代有更好成長同學習環境。 移民，由東方文化到西方文化，最怕就係適應問題，以前喺香港做化學分析儀器嘅Gary，嚟到加拿大成為Mortgage Broker。佢話一路走來冇乜「hard time」，「心態調整最重要。當年移民溫哥華，我哋唔係住市區，而係郊區Langley（蘭里）；嗰時冇乜識到香港新移民，老華僑生活亦唔一樣，但適應都冇大問題」，如果真係要數「hard time」，Gary忍唔住講一樣嘢……「真係有啲sad」……係咩呢？ 有幾個因素，令Gary移民溫哥華後、再遷居渥太華，「唔係溫哥華唔好，而係渥太華更適合。第一係教育，英法雙語教育好重要，加拿大好多重要職位都要講法文，識法文機會多啲；渥太華呢邊亦多人講法文，我哋希望提供一個環境俾囝囝學習，至於佢將來講唔講，就留俾囝囝決定」。 「第二樓價，溫哥華貴，而渥太華仲喺大眾可負擔範圍；第三搵工，我仲喺溫哥華時搵渥太華嘅工，做視像面試好快有offer，公司仲唔介意等我幾個月，證明真係缺人；第四係鄰居，睇番渥太華人口結構，居民普遍教育程度高，感覺安全好多，住我對面嘅係退休軍人添，哈哈！」 由西岸到東岸，Gary同樣冇乜「hard time」，「返工唔使適應，同事都好nice，加拿大係移民國家，種族多元化好似聯合國咁；囝囝仲快適應過我，因為佢性格外向好易識到朋友」。硬要說嘅話，就係天氣同飲食，點解呢？「呢啲要取捨，唔會有十全十美」。 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 住加男人YouTube及Patreon會員專享獨家直播及Discord對話區 Patreon會員：  / canmen   YouTube會員：https://bit.ly/2PwNskm PayPal單次支持住加男人：https://www.paypal.me/canmen ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 「住加財經」全新加港財經資訊頻道    / @canfinca   「住加男人」Facebook專頁   / canmenca   「住加女人」YouTube Channel    / @canmen2   「住加女人」Facebook專頁   / canwomenca   「住加男女」Facebook群組分享加港資訊及新聞   / 859426267552840