Ով ինչ անում է,անում է իր համար #new #photography #phychology

Մարդն ամեն ինչ անում է իր էգոյին հաճելի լինելու համար։ Նույնիսկ երբ բարություն է գործում, օգնում ուրիշին կամ բարեգործություն անում։ Բայց արդյո՞ք դա արժեզրկում է բարի արարքը։ Այս անգամ փոդքասթի հյուրն է հոգեբան Արմինե Մանուկյանը։ Ամալյա Պապյանի հետ զրույցում փորձում ենք հասկանալ՝ որքանո՞վ են մեր որոշումներն ու արարքները պայմանավորված սեփական ներքին պահանջմունքներով, ինքնագնահատականի ամրապնդմամբ և էգոյի բավարարմամբ։ Որտե՞ղ է ավարտվում առողջ էգոն և սկսվում է էգոիզմը։ Կարո՞ղ է մարդը լինել խարիզմատիկ՝ առանց ընդգծված էգոյի։ Եվ եթե նույնիսկ բարություն ենք անում, որովհետև դա մեզ լավ զգալու հնարավորություն է տալիս, արդյո՞ք այդ բարությունը դառնում է պակաս արժեքավոր։ Զրույցի կարևոր հատվածներից մեկը ծնող-երեխա հարաբերություններն են։ Երբեմն ծնողը, նույնիսկ առանց գիտակցելու, մանիպուլացնում է երեխային՝ ասելով, որ ամեն ինչ անում է միայն նրա համար։ Բայց արդյո՞ք ծնողի բոլոր զոհողությունները երեխայի շահերից են բխում, թե՞ դրանց մեջ կան նաև սեփական սպասելիքներն ու չբավարարված ցանկությունները։ Իսկ ի՞նչ է տեղի ունենում, երբ երեխան հաջողության է հասնում։ Ծնողը հպարտանում է, ուրախանում, բայց արդյո՞ք այդ ուրախությունը միայն երեխայի ձեռքբերման համար է, թե նաև այն պատճառով, որ հաջողակ է հենց իր երեխան։ Զրույց՝ մեր էգոյի, ինքնասիրության, բարության, ծնողական սիրո, մանիպուլյացիաների և մարդկային հարաբերությունների մասին։ Հեղինակ և հաղորդավար՝ Ամալյա Պապյան Հյուր՝ հոգեբան Արմինե Մանուկյան Դիտեք, մտածեք և կիսվեք ձեր կարծիքով։