اسلام میں مزدوری کے حقوق اور قرآن پر اجرت کے شرعی احکام | بابُ الإجَارَةِ

اس ویڈیو میں احادیثِ مبارکہ کی روشنی میں "بابُ الإجَارَةِ" (معاہدہ، مزدوری اور اجرت) کے اہم شرعی احکام اور مسائل تفصیل سے بیان کیے گئے ہیں: اجارہ کی تعریف: معلوم مدت کے لیے کام کرنے اور اس کی نقد رقم کی صورت میں اجرت ادا کرنے کے معاہدے کو "اجارہ" کہا جاتا ہے۔ مزدور کے حقوق اور تحفظ: مزدور کا پسینہ خشک ہونے سے پہلے اس کی اجرت ادا کرنے کی ہدایت دی گئی ہے۔ رسول اللہ ﷺ کا ارشاد ہے کہ جو شخص مزدور سے پورا کام لے کر اس کی اجرت نہ دے، روزِ قیامت اللہ تعالیٰ خود اس سے جھگڑا کرے گا۔ انبیاء کرام کی سنت: اللہ تعالی کے تمام انبیاء نے بکریاں چرائی ہیں؛ نبی اکرم ﷺ نے بھی مکہ والوں کی بکریاں چند قراط کی اجرت پر چرائیں۔ دم (رقویٰ) اور علاج پر اجرت: سورۂ فاتحہ کے ذریعے سچے دم اور علاج کے بدلے اجرت لینے کی اجازت دی گئی ہے۔ تعلیمِ قرآن اور دنیوی مفاد: قرآنِ مجید کو محض مال و دولت کمانے یا لوگوں سے مانگنے کا ذریعہ بنانے سے سخت منع فرمایا گیا ہے