Başqa kişilərlə danışan gəlin ərini boğub tövlədə basdırdı, 4 il heç kəs bilmədi - Göygöldə...

Bu cinayət işi 10 il qabaq baş verib. Lakin düz dörd il cinayətin qurbanı olan İlham Qəhrəmanovun meyiti tövlədə torpağın altında cinayətin açılacağı günü gözləyib. Həmin 4 il ərzində toylar, yaslar olub, çox sular durulub, qarlar yağıb və elə təəssürat yatranıb ki, hər şey oldu, keçdi, İlham Qəhrəmanov adlı bir şəxs bu dünyada olmayıb. Lakin düz dörd il sonra… 4 il sonranı baş verənə aydınlıq gətirmək üçün isə 4 il əvvələ qayıtmaq lazımdır. Başlayaq… Bura TV11, adım Sərdar Amindir. Göygöl rayon sakini İlham Qəhrəmanov arvadı 1983-cü il təvəllüdlü Aynurə Qəhrəmanovanı uzun müddət qısqanıb və onu başqa kişilərlə intim münasibət saxlamaqda günahlandırıb. Biz məcburuq, verilişi Aynurənin etiafları, gecikmiş etirafları üzərində quraq… Aynurə deyir ki, əri İlham onu mütəmadi olaraq döyüb, təhqir edib. Bu səbəbdən onların aralarında münasibətlər pozulub. Aynurə Qəhrəmanova 23 noyabr 2012-ci il tarixdə aralarında olan rəsmi nikahın pozulması barədə Göygöl rayon Məhkəməsində əri İlham Qəhrəmanova qarşı iddia qaldırıb. Aynurə deyir ki, 1998-ci ildə İlham Qəhrəmanovla ailə həyatı qurub, birgə nigahlarından 1999-cu il təvəllüdlü Rəşad, 2002-ci il təvəllüdlü Fatimə, 2008-ci il təvəllüdlü Elşad dünyaya gəlib: "Evləndikdən sonra əvvəlcə İlhamla Göygöl rayonu Balçılı kəndində qaynatamgilə məxsus evdə yaşadıq. 2004-2005-ci illərdə isə Göygöl rayonunun Qırıqlı kəndində ev aldıq. Bundan sonra həmin evdə yaşamağa başladıq. İlhamla evləndikdən az müddət sonra münasibətlərimiz pisləşdi. Bunun səbəbi İlhamın mütəmadi olaraq spirtli içki qəbul etməsi, evə qayğı göstərməməsi, mənimlə dava-dalaş etməsi oldu. Davamı TV11-də...