د افغان ټولنیزو خدمتونو مرکز اوومه کلیزه او د پسرلي مېله (دویمه د موسيقي برخه)

د کاناډا په ټورنټو ښار کې د افغان ټولنیزو خدمتونو مرکز (ANSS) د اوومې کلیزې او د پسرلي مېلې دویمه برخه موسيقي ته ځانګړې شوې وه چې د پښتو او دري ژبو تکړه هنرمندانو ایمل زاخيل، شکیب سوازن او نور حیا خپلې سندرې وویلي او د دوی ښکلو او جذابو سندرو د ګډونوالو په زړونو کې ځانګړی ځای پیدا کړ. ګډونوالو هم په دې هنري برخه کې فعال ګډون وکړ او د موسیقۍ په نغمو یې اتڼونه وکړل چې په ټول محفل کې جوش او خوند راوست. دا شان دار جشن نه یوازې د افغان ټولنې د یووالي او پیوستون ښکارندوی و، بلکې د ټولنیزو فعالیتونو لپاره یې نوې انرژي او ولوله هم رامنځته کړه. ګډونوالو د دې محفل د تنظیم کوونکو مننه وکړه او هیله یې وښوده چې دا ډول پروګرامونه راتلونکي کې هم دوام ومومي. #پښتو #وطن #کنسرټ #سندرې #دری #موسيقي #نورـحیا #سوزان #سوزان #ایمل #زاخیل #concert #toronto#canada