Dom Martinho Da Costa Iha Papél Importante Bá Organizasaun Luta Libertasaun

LAUTÉM, 22 Setembru 2026 Iha suku Mehara, Postu Administrativu Tutuala, Munisípiu Lautém, fatin ida ne’ebé iha tempu okupasaun parese simples, maibé rai hela memória importante ida kona-bá istória luta Timor-Leste bá autodeterminasaun. Iha fatin ne’e, enkontru ida ne’ebé hala’o ho segredu iha situasaun difísil tebes sai parte hosi esforsu atu reorganiza luta libertasaun Timor-Leste. Iha prosesu ne’e, Dom Martinho da Costa Lopes, nu’udár líder Igreja Katólika, iha papél importante liuhosi kontaktu ho lideransa rezisténsia no esforsu atu halo mundu internasionál hatene kona-bá situasaun no luta povu Timor-Leste. Primeiru-Ministru (PM) Kay Rala Xanana Gusmão haktuir fali istória ne’e bainhira hamutuk ho Igreja Katólika inaugura Monumentu Dom Martinho da Costa Lopes iha Mehara, tersa (22/09).