東張西望｜警惕心跳過慢 革新式無導線心臟起搏器 完美模擬自然心跳

【東張西望】警惕心跳過慢 革新式無導線心臟起搏器 完美模擬自然心跳 心臟病係香港常見嚴重疾病，除咗冠心病同心肌梗塞兩大高致命性嘅分類，心跳過慢亦都係常見且容易致命嘅分類。 正常嘅心跳喺每分鐘60下以上，低於60下係偏慢，如果每分鐘心跳少於30下，或心跳停頓超過3秒，情況就比較嚴重。 心跳過慢嘅常見病徵係頭暈或眼前一黑，嚴重嘅情況下甚至會引致猝死。 通常醫生會建議有心臟病史或曾出現過嚴重心跳過慢症狀嘅病人安裝心臟起搏器。傳統嘅有導線心臟起搏器雖然可靠耐用，但仍然有引致皮膚感染及併發症嘅可能性，而且長期使用下導線可能會磨損甚至斷裂。 而最新式嘅無導線心臟起搏器能同時為使用者進行心室起搏及心房起搏，電池耐用之餘亦可以取出更換；仲可以通過兩個起搏器之間嘅溝通協調，模擬出正常人「心房先行、心室緊隨」嘅心跳模式。 #東張西望 #TVB #心跳過慢 #微創手術 #新一代無導線心臟起搏器 #方便取出替換 #心室心房同時起搏模擬正常心跳 #電量更長