తిరుమల నిలయం పరిమళ నాథుడి సన్నిధి

పల్లవి:తిరుమల నిలయం పరిమళాల నాథుడి సన్నిధి. చరణం:1 సుస్వరాల సప్తగిరుల నడుమ, ఎన్నెన్నో ఫల పుష్ప రసభరిత, రమ్యమైన పరిమళాల కలయికతో, ఆ ఇరువురి దేవేరులను దేహంపై నిలిపి, నిత్య కళ్యాణ పరిమళ మూర్తివై వెలిశావు. (తిరుమల) చరణం:2 విశ్వ విఖ్యాత నట సార్వభౌమత్వముతో, దశావతారాలలో ధర్మశ్రేష్టవై వెలుగెత్తి చాటావు, ప్రఖ్యాత పలువురి భక్తులతో, పరిపరి విధముల కీర్తింపబడితివి, అణగారిన అల్పజీవియై నిను శరణు వేడితి. (తిరుమల) చరణం:3 చితికిన సంసారంతో మోయలేని భవసాగర బారముతో , వెలలేని జీవితమున ఎనలేని శోకంతో, పరుగు పరుగున నీ గిరుల వైపు చేరి, పాహి ప్రభో, విభోయని, శరణు వేడితినయ్య.