Ka pa Vanzika Vanchhawng (1935-2022) pual.

Kum 3 a lo liam ta reng mai. Ka pa Vanzika Vanchhawng chuan 10th March 2022 khan thlamuang takin min lo hawsan tawh a. Khatih hunlai kha Covid vanga kan buai lai, zai ho pawh la phal loh lai kha a ni. Ka pa kha zai ngaina mi, zaipawl conductor leh lengkhawmah pawh khuangpu hlun a ni thin a. Chhung inkhawm apiangin zaiho a rawt ngei ngei thin. Khatih hunlai kha Covid hunlai ni mahse, ama ho ngeia chhung inkhawm hnuhnung neia unaua zai kan dilna chu Kohhran hoten min phalsak a. A ruang dai chauh ni tawh mahse, a hla duh em emte zing ami, 'Khawvel hi bo mahse, Isua ka nei' (Khb. 150) tih hla chu ama pualin, a hun hnuhnungah kan unauin kan sa a ni.