Əqidəvi şübhələrə cavablar 1.Hissə

Bismilləəhir-Rahməənir-Rahiim. Hər bir şərəfli insan öz əqidəsini qorumağı özünün ən mühüm vəzifəsi görür. Şübhəsiz ki, hər bir fikri cərəyan istər-istəməz bir sıra etiraz və şübhələrə məruz qalıır. İslamın həqiqətini təşkil edən, əql və məntiq baxımından ən düzgün məzhəb olan Əhli-Beyt əleyhimussalamın məzhəbi də qərəzli insanların yersiz irad və şübhələrindən amanda qalmamışdır. Tarix boyu dəyərli alimlərimiz şiəlik və şiələrə atılan iftiraları dəf etmək və şübhələri zehnlərdən silmək üçün gecə-gündüz yorulmadan səy göstərmişlər. Əsrlər boyu davam edən bu yersiz ittiham və şübhələr yaşadığımız bu zamanda da səngimək bilmir və davamlı şəkildə müqəddəs məzhəbimizə bir sıra irad və etirazlar edilir. Biz də öz növbəmizdə, bəzi əziz qardaşlarımızın istəklərini nəzərə alaraq, kanalımız vasitəsi ilə silsiləvi dərslər şəklində bu şübhələrə cavab verməyi qarşımıza məqsəd qoyaraq bu proqramı sizlərə təqdim edirik .