#شيلة_السعايه #كلمات_امين_عاطف اداء ابو شهاب مطر وايمن هيسان وعدنان الرصابي للتواصل 775560259

هذه القصيدة من كلمات الشيخ الشاعر المعروف أمين عاطف .. وهي موجهه الى أولاد منصور القطامي محمد ونجم وحسين وكذلك موجهه الى مشايخ وعقال جبل عيال يزيد وهي تعبر وتحكي بما فيها _____ اداء المنشد/ ابو شهاب مطر والمنشد/ ايمن هيسان والمنشد / عدنان الرصابي للتواصل 775560259 بسم الله رب الملا يامن في سماه أعتلا جنبنا الشغل والبلا وإجعلنا من الفايزين يارحمن ماحد سواك واليوم أشهدك لا سماك ياعالم بهذا وذاك وانت العدل دنيا ودين بعد الان ياهاجسي هات الفيلق الخامسي من تخطيطك الهندسي خل الناس تفهم امين من قلبي تراحيب بك فينك فين لاغيبك هات القول اذي يعجبك واحكم لي حروفي وزين بعد الان انا آبو حمد ذي معروف أباً وجد مابا احط حقي لحد لو لاحقت بعدة سنين عيال الخال قلنا لكم ماودي ثواب منكم لكن صلحتي عندكم والناس كلهم شاهدين ساير جاي سبعة شهور خليت الدواير تدور واديت الزبون الجسور وانتو فالغرف راقدين خالي كان رجال جيد له عند القبايل رصيد خليتوه كنه وحيد حين انتو عيال طايعين ولولا والدي قد وقف مابا اصبر لوعد اختلف لو ماعد معيا شرف مااترك حق وأقسم يمين جيناكم بطيبة نفوس مانشتي شي اوجاع روس وأقسمتو يمين الغموس إن انتو معي صادقين واليوم بعد أخذ الفلوس أصبحتو عسل راس موس ياذي مامعاكم حسوس أنتم تعرفو من أمين جيناكم بشرع القبل قبل الصبر مايكتمل والا بايقع خذ وشل لوما كل قاسي يلين جيناكم بكل الطرق مابش وجه فيكم عرق لكن كرتكم قد حرق مهما تجلسو هاربين لوشي عندكم مرجلة وإلا عرف او قبيله مادورتو المشكلة وانتو منها ساكهين هذا حق مشو ثواب وأتحديت لجله صعاب والصلحة وكشف الحساب باتدوه غالي ثمين وان المصملي مصملي لاحد يحسب إني دلي راسي فوق والحق لي لو سارت عظامي طحين واللي مايجي بالرضا فانا المحكمة والقضاء والله لو هرب لا الفضاء ماادا شبر من يد أمين والناس يعرفوني أكيد فالوقت الدلي والشديد عاطف صلب مثل الحديد رافع هامتي والجبين وآنا الرمح وقت النكف ذي يرمي عدوه نصف وآنا السيل ذي لا زغف شل الأرض والساكنين وافي قالها بوحمد مرزح من عوز وأستند ماامشي في طريق الحسد واهل الكذب والمرجفين ماهمي من اهل النفاق واللي خارجين النطاق عاطف والجمايل سباق مااحنا قوم مستضعفين بااطرح للمشايخ عدال واشهدهم على ذا الجدال وأشهد والدي والرجال ذي بالقبيلة عارفين ان شي حق لي عندكم غصبا باآخذه منكم وأشهدهم على كذبكم ياذي عادكم منكرين في بدع الخبر والختام قد حذرتكم بالكلام بعدا مابوجهي ملام يوم أعجن أبوها عجين