കോന്നി മണ്ണീറയിൽ വന്യജീവി അക്രമങ്ങൾക്കെതിരെ ജനരോഷം #protest #animalconflict

പ്രതിഷേധം കടുപ്പിക്കും, പിന്നോട്ട് ഇല്ല.ആന കുത്തി ചാവുന്നതിലും നല്ലത് വരും തലമുറയ്ക്ക് വേണ്ടി ഫോറെസ്റ്റ് ഓഫീസിന് മുന്നിൽ നിരാഹാരം കിടന്ന് മരിക്കാമെന്ന് പ്രദേശവാസികൾ♦️🙏 കോന്നി മണ്ണീറയിൽ വന്യജീവി അക്രമങ്ങൾക്കെതിരെ ജനരോഷം; കോന്നി ഡി.എഫ്.ഒ. ഓഫീസിലേക്ക് ജനകീയ മാർച്ച്‌ സംഘടിപ്പിച്ചു.നടുവത്തുംമൂഴി റേഞ്ചിലെ കൊക്കാത്തോട് സ്റ്റേഷൻ പരിധിയിലാണ് പ്രദേശം മലയോര കർഷകരുടെ മേൽ അടിച്ചേൽപ്പിക്കുന്ന കരിനിയമങ്ങൾക്കെതിരെയും മണ്ണീറ പ്രദേശത്ത് വർഷങ്ങളായി വർദ്ധിച്ചുവരുന്ന വന്യജീവി ആക്രമണങ്ങൾക്കെതിരെയുമാണ് പ്രതിഷേധം നടന്നത്. ജീവനും സ്വത്തിനും കൃഷിയിടങ്ങൾക്കും നിരന്തരം ഭീഷണിയുയരുന്ന സാഹചര്യത്തിൽ രാഷ്ട്രീയ കക്ഷിഭേദമന്യേ പ്രദേശത്തെ മുഴുവൻ ജനങ്ങളെയും ജനപ്രതിനിധികളെയും അണിനിരത്തിയായിരുന്നു ശക്തമായ പ്രതിഷേധം.വാർഡ് മെമ്പർ റിനീഷ് പുലിവേലിൽ അധ്യക്ഷത വഹിച്ച പ്രതിഷേധ യോഗം ലീഗൽ അഡ്വൈസർ അഡ്വ. ജോണി കെ. ജോർജ്ജ് പ്രതിഷേധം ഉദ്ഘാടനം ചെയ്തു. ആവശ്യങ്ങൾ 👇 സൗരോർജ്ജ വേലി അടിയന്തിരമായി സ്ഥാപിക്കുക: മണ്ണീറയിലെ വന്യജീവി ആക്രമണങ്ങൾ തടയുന്നതിനായി 27.09.2024-ൽ കോന്നി ഡി.എഫ്.ഒ. അനുവദിച്ച തുക ഉപയോഗിച്ചുള്ള സൗരോർജ്ജ വേലി നിർമ്മാണം അടിയന്തിരമായി നടപ്പിലാക്കുക. വേലി നിർമ്മാണം പൂർത്തിയാക്കുക: സൗരോർജ്ജ വേലി അനുവദിച്ചതിൽ 800 മീറ്ററിൽ കുറവുള്ള ഭാഗം കൂടി അടിയന്തിരമായി ചേർത്ത് മണ്ണീറയ്ക്ക് ചുറ്റും വേലി പൂർത്തിയാക്കുക. റോഡ് പുനരുദ്ധാരണം: വനം വകുപ്പിന്റെ അധീനതയിലുള്ള മുണ്ടോംമൂഴി – മണ്ണീറ ഫോറസ്റ്റ് റോഡിന്റെ പുനരുദ്ധാരണ ജോലികൾ അടിയന്തിരമായി ന്യായമായ നഷ്ടപരിഹാരം: വന്യമൃഗശല്യം മൂലം കൃഷിനാശം സംഭവിച്ച കർഷകർക്ക് അർഹമായ നഷ്ടപരിഹാരം ഉടനടി ലഭ്യമാക്കുക. റോഡിന്റെ വീതി കൂട്ടുക: മുണ്ടോംമൂഴി – മണ്ണീറ റോഡിന്റെ ഇരുവശങ്ങളിലുമുള്ള കാടുകൾ തെളിച്ച് റോഡിന് വീതി കൂട്ടാനുള്ള നടപടികൾ സ്വീകരിക്കുക. നേരത്തെ 18.06.2026-ൽ ഡി.എഫ്.ഒ. ഓഫീസിലേക്ക് മാർച്ചും ധർണ്ണയും നടത്താൻ തീരുമാനിച്ചിരുന്നതാണെന്നും, എന്നാൽ അന്ന് വനംവകുപ്പ് ഉദ്യോഗസ്ഥരും ജനപ്രതിനിധികളും ചേർന്ന് സമരസമിതിയുമായി നടത്തിയ ചർച്ചയുടെ അടിസ്ഥാനത്തിൽ മൂന്ന് മാസത്തിനകം ആവശ്യങ്ങൾക്ക് പരിഹാരം ഉണ്ടാക്കാമെന്ന് സമ്മതിച്ചിരുന്നതായും നേതാക്കൾ വ്യക്തമാക്കി. എന്നാൽ ചർച്ച കഴിഞ്ഞ് നിശ്ചിത കാലാവധി പിന്നിട്ടിട്ടും പറഞ്ഞ ഒരു കാര്യം പോലും ഇതുവരെ നടപ്പിലാക്കാൻ അധികൃതർ തയ്യാറായിട്ടില്ല. ഈ നിഷേധ നിലപാടിൽ പ്രതിഷേധിച്ചാണ് മണ്ണീറയിലെ മുഴുവൻ ജനങ്ങളും വീണ്ടും ശക്തമായ സമരവുമായി രംഗത്തിറങ്ങിയത് PTA Media City - പിടിഎ മീഡിയ സിറ്റി #AnimalConflict #protest