中亞四國19天 EP3｜二湖一峽｜恰倫峽谷＋科爾賽湖＋卡因迪湖

🏜 第一站：恰倫峽谷 行城堡谷路線，中亞版「大美國家公園」，超過一千萬年歷史嘅紅色砂岩風化地形。兩側聳立形似城堡、塔樓嘅岩柱。 我先走峽谷頂，從高處望落谷底，非常震撼。不過好大風，唔好企近崖邊，瘦一啲都怕吹落谷底。 只得兩小時參觀，非常急趕！谷底只行得十分鐘就要回程，唔係車輛唔等人。 🖤 黑峽谷段＋午餐 湍急嘅查倫河穿梭於深邃岩石峭壁與綠樹之間。喺呢度食午餐，導遊喺車上預先問我哋食乜，預先下單，去到即有得食。如果想自己食輕便食物，附近都有。 🏞 第二站：科爾賽湖 天山山脈嘅科爾賽湖，湖水清澈呈深藍色與翠綠色，四周被青山和松樹林環繞。湖邊有木棧道和林間小徑，適合散步、健行。有「天山明珠」之稱。 🌲 第三站：卡因迪湖 位於崇山峻嶺之中。落車後可揀行路、騎馬，或者坐的士。的士係俄羅斯UAZ-452四驅越野車，當地叫「大麵包車」，車內係完全冇修飾嘅鐵皮車，每位1500。 🥾 落山 行山路落，有碎石小路，有鐵棧道只可一人通過。兩邊有樹木、水流、黃葉，行咗半個鐘到馬場，過咗馬場就係停車場。5點人齊，回程。 🚐 回程 4個鐘頭車，中途最後一站又去返超市買嘢飲或者去廁所。9點多回到原本上車個站，今日行程結束。 💡 貼士 · 跟團報GetYourGuide，多啲睇價格，佢常調整，有時買到平價團 · 峽谷頂大風，唔好企近崖邊 · 行程好趕，要準時 · 最難忘：峽谷頂大風吹到人都鬱埋 · 行程好值得，一次過睇到峽谷、湖泊同天山山脈 #中亞 #哈薩克斯坦 #阿拉木圖 #二湖一峽 #恰倫峽谷 #黑峽谷 #科爾賽湖 #卡因迪湖 #PandaTour #中亞旅行 #香港旅行 #YouTubeVlog #中亞四國 #17小時行程