تشيز كيك التوت الازرق

تشيز كيك التوت الازرق طبقه البسكوت :12 قطعه بسكوت دايجستيف مطحون مع 75 جرام زبده سايحه بنفركهم سوا وبنفردهم وبنرصهم بصينيه متحركة القاعدة مقاس 22 سم مبطنه من الاسفل ومن الجوانب بورق زبده . طبقه التشيز بندوب 3ملاعق كبار من الجيلاتين البودره مع 3/4 الكوب من الماء وبنتركهم عجنب بالخفاق الكهربائي بنضيف 500 جرام جبنه فيلادلفيا وعليها كوب سكر وملعقه فانيلا بنخفقهم ليصيرو ناعمين بنضيف بالمصفايه عليهم 3/4 الكميه من الجلاتين اللي دوبناه بعد مانسخنه شوي بالمايكرويف .. وبعدها كوب من كريمه الخفق وبنخفقهم شوي .. بنشيل جزء من الخليط على جنب تقريبا اقل من النص والباقي بنفردو بالصينيه على البسكويت وبندخل التشيز عالفريزر ربع ساعه يتماسك شوي .. بنخلط 200 جرام توت ازرق مع ربع كوب مي ليصيرو متل العصير بالمصفايه بنضيفهم على القسم الباقي من الخليط وبنضيف عليهم الباقي من الجيلاتين وكم قطره من ملون الطعام الازرق.. وهيك بتكون جهزت الطبقه الثالثه بنضيفها على الطبقه البيضا بهدوء .. (وفي خيار اخر لو مابدنا نستخدم توت بنضيف على القسم التاني قطرات من ملون الطعام وبنسكبو على الطبقه البيضا) بنرجع ندخلها عالفريزر 10 دقايق تتماسك .. الطبقه الاخيره : 15 جرام جيلاتين تقريبا ملعقه كبيره ونص بنضيف عليهم ٦ ملاعق كبار سكر وكوب ونص مي بنتركهم شوي وبعدين بنسخنهم بس لحد مايصيرو سائل بنضيف قطرات من اللون الازرق .. بنطلع التشيز كيك وبنصف عليه حبات من التوت وبنسكب الجلو بهدوء وبندخلهم الثلاجه عالاقل 6 ساعات وبنقدمو وصحه وعافيه❤ArwaAreej❤