點解叫「轉丁」？出前一丁由日本即食麵變成茶餐廳單字

出前一丁喺日本出世，但喺日本「冇乜存在感」；去到香港，佢就變成茶餐廳餐牌上一個「丁」字。一包日本即食麵，點解喺香港紅過喺日本？ 呢集由1968年講起：出前一丁點樣喺1969年嚟到香港、入口商點樣逐間舖試食推銷、茶餐廳點樣將佢變成「轉丁」、日清1984年點解喺香港設廠，同埋1989年點解連最大對手公仔麵都變成自己人。最後仲有一個有趣嘅反轉：日本要借香港形象去賣出前一丁。