ဂျာနယ်ကျော် မမလေး - သူလိုလူ အပိုင်း (၂)

သင်္ဘောကြီးထွက်ခွာသွားသဖြင့် ကြည့်၍မဝသော မျက်နှာလေးကို မမြင်ရတော့သည့်အခါ တဖြည်းဖြည်းထွက်သွားသော သင်္ဘောကြီးသည်ပင်လျှင် မိမိ၏အသည်းနှလုံးကို ဆွဲငင်ယူဆောင်ဖွဲ့နှောင်ပတ်ရစ်သွားလေသကဲ့သို့ ထင်မိတော့သည်။ ခွဲရမည့်အချိန် နီးသထက်နီးလာပြီဟု စိတ်တထင့်ထင်နဲ့ မျက်နှာချင်းဆိုင်ရပ်လျှက်နေစဉ် တထိတ်ထိတ်ဖြစ်နေသော နှလုံးသည် သင်္ဘောကြီးထွက်သွား၍ ထိုမျက်နှာကို ထိုမျှလောက်သော အခါကာလအတွင်း မြင်ရ တော့မည်မဟုတ်ဟု သိရသောအခါ တဒိတ်ဒိတ်နဲ့ အရှိန်ပို၍ ပြင်းလာသကဲ့သို့ ထင်ရတော့သည်။ မောသလို ပန်းသလိုဖြစ်ပြီး လမ်းလျှောက်၍မှ လျှောက်မှန်းမသိ ဖြစ်ပါဘိတော့...... ။ #ဂျာနယ်ကျော်မမလေး #သူလိုလူ အပိုင်း(၂ )