港姐準決賽告一段落 導師佳麗分享心中感受

雖然晉級結果已經塵埃落定，12位佳麗將會面臨9月12號舉行更緊張嘅決賽，不過同佢哋相處一段時間嘅各位師姐導師，就仿如自己再次參選一樣肉緊喇，賽後 @向海嵐 @張嘉兒 @馮盈盈 #劉倩婷 佢哋就講到對組員成績嘅睇法喇。 至於因為被安排擔任嘉賓嘅 @關禮傑 同囡囡一齊彈琴之後，亦都講到對佢表現嘅評語，而備受網友歡迎嘅4號 #關楓馨 就提到史上父女首度同台喺港姐舞台現身嘅感受。 其他入圍佳麗方面，好似12號 #葉靖儀、2號 #陳懿德 就分別講到表演期間嘅心情，而10號 #楊培琳 、 15號 #梁凱晴 、 13號 #王嘉慧 就話會為唔夠三星期就舉行嘅決賽加緊準備喇。 當晚有8位佳麗未能晉級，不過賽後佢哋睇嚟都非常正面，更加非常放鬆，仲話要相約齊齊食返餐慶祝添呀。身材高䠷嘅 #梁允瑜 第一輪就被淘汰，訪問時佢就話會考慮繼續進修，為社會貢獻喇。 而主持 @錢嘉樂 呢晚一時口誤講錯決賽日期，加上佢喺台上將 @吳偉豪 嘅沖涼事件嚟做搞笑話題，事後就解釋話一早夾好純粹想氣氛更好啫。至於表演嘉賓 @狄易達 @麥秋成 仲有《盛舞者》一齊表演嘅勁舞，加埋達仔同 @陳曉華 首次同台演出，就更添話題喇。 #2021香港小姐競選 #準決賽 #向海嵐 #張嘉兒 #馮盈盈 #劉倩婷 #關禮傑 #關楓馨 #葉靖儀 #陳懿德 #楊培琳 #梁凱晴 #王嘉慧 #梁允瑜 #錢嘉樂 #吳偉豪 #狄易達 #麥秋成 #陳曉華 即刻Follow TVB娛樂新聞台Facebook專頁   / tvbenews   登入myTV SUPER享受睇TVB自製節目7日免費點播 https://bit.ly/2TXLlM0