CORA QUIDOTE: SINASAGAD ANG RESOURCES NG PILIPINAS PARA SA KORAPSYON

Nagbabala si Cora Quidote, dating head ng BSP Investor Relations Office, sa patuloy na paglaki ng utang ng Pilipinas na ayon sa kaniya ay maaaring umabot sa ₱22 trilyon sa susunod na taon. Ayon sa kanya, nasa ₱19.35 trilyon na ang kabuuang utang ng bansa noong Agosto at inaasahan niyang aabot ito sa ₱20 trilyon bago matapos ang taon. Posible pa umano itong madagdagan ng ₱2 trilyon sa susunod na taon, katumbas ng humigit-kumulang 70 porsiyento o higit pa ng gross domestic product (GDP) ng bansa. Iginiit din ni Quidote na sinasagad umano ng pamahalaan ang mga resources ng Pilipinas upang punan ang korapsyon. Hinala rin niya, maaaring gamitin ang susunod na pambansang budget para sa kampanya at ayuda bago ang halalan.