USTOZ QADRI - MILLAT QUDRATI

Sanepidqo‘mita Qo‘qon shahar bo‘limida “Ustoz va murabbiylar kuni”ga bag‘ishlangan ma’naviy-ma’rifiy tadbir bo‘lib o‘tdi.   Uzoq yillar davomida o‘zining samarali mehnati, boy tajribasi, kasbiga bo‘lgan sadoqati bilan jamoa rivojiga munosib hissa qo‘shgan ustozlarning jamiyat hayotidagi beqiyos o‘rni, yosh avlod tarbiyasi hamda soha rivoji yo’lida qilgan ibratli va fidokorona mehnat faoliyati haqida alohida ta’kidlanib, yorqin xotiralari ehtirom ila yodga olindi.   Zero, ustoz - kasb sirlarini o‘rgatuvchi, hayot yo‘lini ko‘rsatuvchi, o‘zidan keyingi avlodga bilim, tajriba va ezgu an’analarni qoldiruvchi ulug‘ insondir.   Ustozlarni e’zozlash - o‘tmishga hurmat, bugunga shukronalik va kelajakka ishonch demakdir!