Pagmamahal ng Diyos: Gabay sa Araw-Araw 20260921 04 29 33 Pro

MABUTING BALITA Mateo 9, 9-13 Ang Mabuting Balita ng Panginoon ayon kay San Mateo Noong panahong iyon, umalis si Hesus at sa kanyang paglakad, nakita niya ang isang taong ang pangala’y Mateo: nakaupo ito sa paningilan ng buwis. Sinabi ni Hesus sa kanya, “Sumunod ka sa akin.” Tumindig si Mateo at sumunod sa kanya. Nang si Hesus at ang kanyang mga alagad ay nasa bahay ni Mateo, dumating ang maraming publikano at mga makasalanan. At sila’y magkakasalong kumain. Nang makita ito ng mga Pariseo, tinanong nila ang kanyang mga alagad, “Bakit sumasalo sa mga publikano at mga makasalanan ang inyong guro? Narinig ito ni Hesus at siya ang sumagot, “Ang mga maysakit ang nangangailangan ng manggagamot, hindi ang mga walang sakit. Humayo kayo at unawain ninyo ang kahulugan nito, ‘Habag ang ibig ko at hindi hain.’ Sapagkat naparito ako upang tawagin ang mga makasalanan, hindi ang mga banal.” Ang Mabuting Balita ng Panginoon. #MabutingBalita #SanMateo #FeastOfSaintMatthew #SumunodKaSaAkin #HabagAngIbigKo #SaksiNiKristo #ManatiliSaPagibigNiKristo #CatholicFaith #PrayForTheSick #PrayForThePriests #ConversionOfSinners #MahalNaBirhengMaria #ProDeoEtEcclesia