18,500 فرنك بسبب الكراء؟ القصة اللي دخلاتنا فمشاكل كبيرة مع مول الدار! 😳

😳 تخيلو تسكنو 4 سنين فدار فالكراء فسويـسرا، ومنين تقررو تخرجو منها، تلقاو راسكم داخلين فواحد النزاع كبير مع مول الدار، وصل حتى لـ Betreibung بمبلغ 18,500 فرنك سويسري، يعني تقريباً 20 مليون سنتيم! فهاد الحلقة من Yousa Show، غادي نحكيو ليكم القصة كاملة من البداية: من بروتوكول الدخول والخروج، للخلاف على التنظيف والإصلاحات والصباغة، ومحاولة تحميلنا مصاريف ما كناش متافقين عليها. ولكن المشكل ما وقفش هنا… مول الدار طالبنا بمبالغ كبيرة، وبدأت إجراءات Betreibung، وزاد تعقد الوضع بسبب مشكل فالعنوان اللي تصيفطات ليه الأوراق. لقينا راسنا خاصنا نفهمو القانون، نجمعو الأدلة والإيميلات، ونتواصلو مع التأمين باش ندافعو على حقوقنا. فهاد البودكاست غادي نشاركو معاكم: كيفاش بدا النزاع مع مول الدار. شنو وقع فـ Übergabeprotokoll وبروتوكول الخروج. شكون مسؤول على التنظيف والإصلاحات والصباغة؟ علاش وصلات المطالبة حتى لـ 18,500 CHF؟ شنو هي Betreibung وشنو ممكن يوقع إلا توصّلتي بها؟ كيفاش تعاملنا مع التأمين وجمعنا الأدلة باش ندافعو على راسنا. الدروس اللي تعلمناها من هاد التجربة، وشنو خاص أي واحد كاري فسويـسرا يعرف قبل ما يوقع على شي وثيقة. هادشي تجربة شخصية عشناها، وكنشاركوها معاكم باش الناس اللي عايشين فسويـسرا أو ناويين يكريو فيها يستافدو من الأخطاء والدروس ديالنا. 💬 واش سبق ليك وقع ليك مشكل مع مول الدار؟ واش عندك تجربة مع Betreibung؟ شاركنا قصتك فالتعليقات. ❤️ إلا عجباتكم الحلقة، ديرو لايك وسبسكرايبو للقناة باش تدعمونا ويوصلكم كل جديد من Yousa Show. #YousaShow #سويسرا #الكراء_في_سويسرا #Betreibung #المغاربة_في_سويسرا #الحياة_في_سويسرا #حقوق_المكتري