ఆ మట్టికి తెలుసు మన అసలు రంగు | జీవిత సత్యం చెప్పే అద్భుతమైన పాట

అందరిదీ ఒకటే రంగు… బతికున్నప్పుడు మనిషికి రంగులు వేరు. కులాలు వేరు. హోదాలు వేరు. డబ్బు వేరు. అధికారం వేరు. కానీ చివరికి… ఒక గుప్పెడు బూడిద మాత్రమే మిగులుతుంది. పట్టు పరుపుల మీద నిద్రించినా, కాటి కట్టెల మీద కాలక తప్పదు. కొండంత ఆస్తి కూడబెట్టినా, చివరి ప్రయాణంలో ఒక్క అణా కూడా వెంట రాదు. “దీని కులమేంటో చెప్పగలవా మనిషీ? బతికున్నప్పుడు రంగులు వేరు… బూడిదయ్యాక అందరిదీ ఆ ఒకటే రంగురా.” ఈ పాట మనిషి జీవితం, మరణం, కులం, సంపద, హోదా, అహంకారం గురించి ఒక చిన్న ప్రశ్న వేస్తుంది: చివరికి అందరం ఒకటే అయితే… ఇంత భేదం ఎందుకు? Lyrics: ఏడు అడుగుల పైలా పచ్చీసు ఆరడుగుల గుంతలో దాగుందిరా పట్టు పుట్టము కట్టిన దొరైనా తలకొరివికి కాలిపోవాల్సిందేరా బొడ్డు పేగుతో వచ్చిన ప్రాణం బూడిదయ్యే దాకా బతుకంతా మాయేరా కళ్లుండి చూడలేని గుడ్డివాడా ఆ మట్టికి తెలుసురా మన అందరి రంగు ​ఎముకల గూడుకు రంగులు పూసి ఏలిక నంటూ విర్రవీగావురా ఊపిరి దారం తెగిపోయిన నాడు ఊరి బయటే.. నీకు చోటు మిగులునురా జేబుల నిండా కాసులున్నా యముడికి లంచం ఇవ్వలేవురా రేపటి ఆశతో బతుకును దాచి ఇవాళ్టి నవ్వును చంపుకున్నావురా గుప్పెడు బూడిదయ్యే దేహానికి ఈ గుండెల నిండా పగలు ఎందుకురా ​పట్టు పరుపుల మీద కునుకు తీసినా కాటి కట్టెల మీద కాలక తప్పదురా కొండంత ఆస్తిని కూడబెట్టినా నీ తోడుగా ఒక్క అణా రాదురా నీడను చూసి నిజమని నమ్మి ఎండకు భయపడి బతికావురా చెట్టును నరికిన గొడ్డలికైనా చివరకు తుప్పు పట్టక తప్పదురా నువ్వు కొట్టిన దెబ్బ, నువ్వు పెట్టిన భిక్ష ఆ శివుడి లెక్కలో దాగవురా ​కిరీటాలు మోసిన తలలైనా బరువులు మోసిన భుజాలైనా కాటి మంటల్లో కాలిపోయాక దొరగారి బూడిదని ఏరుకోగలవా గుప్పెడు బూడిదని చేతిలో పట్టుకుని దీని కులమేంటో చెప్పగలవా మనిషీ బతికున్నప్పుడు రంగులు వేరు బూడిదయ్యాక అందరిదీ ఆ ఒకటే రంగురా ​కళ్లుండి చూడలేని గుడ్డివాడా ఆ మట్టికి తెలుసురా మన అందరి రంగు ఆ మట్టికే తెలుసురా మన అసలు రంగు 🎵 అందరిదీ ఒకటే రంగు 🎙️ Telugu Independent Music ✍️ Original Lyrics by Rama Krishna Ramidi 🎬 Telusica Originals మీకు ఈ పాటలో ఏ ఒక్క లైన్ ఎక్కువగా తాకిందో కామెంట్‌లో చెప్పండి. #అందరిదీఒకటేరంగు #TeluguIndependentMusic #TeluguFolkSong #TeluguOriginalSong #TelusicaOriginals అందరిదీ ఒకటే రంగు,అందరిదీ ఒకటే రంగు పాట,ఆ మట్టికి తెలుసురా మన అందరి రంగు,Telugu independent music,Telugu independent song,Telugu folk song,Telugu folk music,Telugu motivational song,Telugu lyrics,new Telugu song,Telugu music 2026,songs telugu,telugu lyrical songs,telugu viral songs,sad songs telugu,best telugu songs,telugu super hit songs,top telugu songs,maa paata mee nota,telugu songs new,dance songs telugu,telugu lyrics songs