ಕತ್ತೆ ಮತ್ತು ಧರ್ಮ - ಸಿದ್ಧಲಿಂಗಯ್ಯ॥ಕವಿತೆ॥Katte Mattu Dharma - Siddalingaiah॥

ಕತ್ತೆ ಮತ್ತು ಧರ್ಮ ಕವಿತೆಯ ಸಾರಾಂಶ:- ಮದುಗಿರಿ ಪಟ್ಟಣದಲ್ಲಿ ಸಿದ್ದಯ್ಯನೆಂಬ ಆಗಸ. ಅವನಿಗೆ ಹೆಂಡರು ಮಕ್ಕಳಿಲ್ಲ. ಅವನ ಸಾಕು ಕತ್ತೆ ಅವನ ಒಡನಾಡಿ. ಒಂದು ದಿನ ಕತ್ತೆ ಆಕಸ್ಮಕವಾಗಿ ಸತ್ತುಹೋಗುತ್ತದೆ. ಬೇಸರಗೊಂಡ ಸಿದ್ದಯ್ಯ ಮೂರುಹಾದಿ ಸೇರುವಲ್ಲಿ ಕತ್ತೆಯನ್ನು ಸಮಾಧಿ ಮಾಡಿ ದೇಶಾಂತರ ಹೊರಟು ಹೋಗುತ್ತಾನೆ. ವ್ಯಾಪಾರಕ್ಕೊಂಟಿದ್ದ ಶೆಟ್ಟಿಯೊಬ್ಬ ಆ ಸಮಾಧಿಗೆ ನಮಸ್ಕಾರ ಮಾಡಿ, ವ್ಯಾಪಾರ ಮಾಡಲು ಹೋಗುತ್ತಾನೆ. ಅಂದು ಅವನಿಗೆ ಸಿಕ್ಕಾಪಟ್ಟೆ ಹೆಚ್ಚಿನ ವ್ಯಾಪಾರವಾಗುತ್ತದೆ. ಸಮಾಧಿಯ ಪ್ರಭಾವದಿಂದ ಹೆಚ್ಚಿನ ಹೀಗಾಯಿತೆಂದು ಭಾವಿಸಿ ಹಿಂತಿರುಗಿ ಹೋಗುವಾಗ ಸಮಾಧಿಗೆ ಕಾಣಿಕೆಯನ್ನು ಸಲ್ಲಿಸುತ್ತಾನೆ. ಈ ಸುದ್ದಿ ಎಲ್ಲ್ಲಾ ಕಡೆಯಲ್ಲಿ ಹಬ್ಬಿ ರಾಜ ರಾಣಿಯರೂ ಬಂದು ನಮಸ್ಕರಿಸಿ ಪೂಜೆ ಸಲ್ಲಿಸುತ್ತಾರೆ. ಕಾಲಾಂತರದಲ್ಲಿ ಸಮಾಧಿ ಬಳಿ ದೇವಸ್ಥಾನ ನಿರ್ಮಾಣವಾಗುತ್ತದೆ. ಕತ್ತೆ ಸಮಾಧಿಗೆ ಪರಶೆ, ಹಬ್ಬಗಳು ನಡೆಯುತ್ತವೆ. ದೇಶಾಂತರ ಹೋಗಿದ್ದ ಸಿದ್ದಯ್ಯ ಕತ್ತೆ ಸಮಾಧಿ ಮಾಡಿದ ಸ್ಥಳದಲ್ಲಿ ನಿರ್ಮಾಣಗೊಂಡ ದೇವಸ್ಥಾನದೊಳಗೆ ಹೋಗಲು ಪ್ರಯತ್ನಿಸಿದಾಗ ದೇವಸ್ಥಾನದ ಕಾವಲಿನವರು ಅವನನ್ನು ಹೊರಕ್ಕೆ ತಳ್ಳುತ್ತಾರೆ..