小露寶 女殺手 幪面超人 阿美娜 情莫變 填詞人龐秋華 作品《草亭結拜》1970s 文千歲 李寶瑩.唱 詞.龐秋華 曲.何占豪 陳鋼 片.1958 任劍輝 芳艷芬 梁祝恨史

梁山伯與祝英台之草亭結拜 文千歲 李寶瑩演唱 龐秋華撰曲 何占豪 陳鋼作曲 陶翠 朱少坡參演 曲：何占豪 陳鋼 全唱平喉 英台: (梁祝小提琴協奏曲) 紅霞罩綠塘， 野風飄山崗， 春花吐艷齊競放， 楊柳曳岸旁， 小鳥枝上鳴， 撩人情意盪， 眼底景色多優美， 使我陶醉永難忘， 人心: (白) 小姐呀 英台: (白) 人心，你又試唔記得咗囉，都話叫我相公吖嘛 人心: (白) 呀，系系系，相公，扮男仔真係唔慣㗎，最怕俾人識穿個陣，唔，都唔知點算好咯 英台: (白) 唏，你咪咁傻啦 (接唱) 我何嘗習慣改扮男裝， 皆因為求學要往別方， 今天得償所望， 置身異地， 何來異狀， 切莫太恐慌， 心境要自然要開朗， 美景當前， 難得一看， 安心賞覽勿驚洩行藏， 人心: (白) 又好，我聽你話，不過我而家好攰呀，唞一陣間先至行好嗎？ 英台: (白) 好啦，怕咗你嗱，嗱，個邊有個草亭，埋去休息一陣先啦， 人心: (白) 哦 山伯: (接唱) 紅桃襯綠楊， 美景堪欣賞， 青山翠疊如綠障， 環繞萬里長， 景致真動人， 難忘留印象， 置身荒郊真舒暢， 不怕遙遠路漫長， 士九: (白) 相公呀，行到腳都軟曬，口又乾，休息一陣都得啩 山伯: (白) 唏，士九，你真係冇用嘅，行咗一陣啫，又話攰又話口乾囉， 士九: (白) 嘻嘻呀，相公呀，你睇嚇草亭個邊，有兩位仁兄系度休息，不如我地埋去，同佢借杯水飲嚇都好呀 山伯: (白) 唔，你自己去啦 士九: (白) 哦，咁我自己去啦，呀老友記，借杯水解嚇渴都好啩 人心: (白) 唓，邊個同你老友記唧，唔知醜 士九: (白) 嘻嘻，你好似周身乸形咁嘅， 人心: (白) 我話你先至系乸形呀，衰衰咁， 英台: (白) 唏，人心，你咪咁啦，點可以對人咁冇禮貌嘅呢？ (接唱) 毋庸憤激怒似狂， 妄起爭端不應當， 處世重和氣， 應常記莫忘， 山伯: (接唱) 小僕口不擇言， 行為殊莽撞， 盼兄多多寬恕， 誠意謝罪頻頻下禮忙， (白) 真係對唔往叻， 英台: (白) 小小誤會，仁兄不用介意 山伯: (白) 敢問兄台高姓大名，能否見告呢？ 英台: (白) 小弟祝英台，未請教仁兄你？ 山伯: (白) 哦，不才梁山伯 英台: (白) 呵，原來梁兄，有禮有禮呀， 山伯: (白) 有禮有禮，請問祝兄攜備書劍行囊，意欲何往呢？ 英台: (接唱) 行程欲往餘杭， 有心將師訪， 山伯: (接唱) 敢問尊師貴名姓， 請詳告無妨， 英台: (接唱) 師尊鄭大儒， 山伯: (接唱) 哦，原來同學恕衝撞， 吾亦拜訪師尊抵該處， 難得共讀餘杭， 英台: (白) 咁真係啱啦 山伯: (白) 係呀 英台: (接唱) 原來大眾竟是同窗， 躬身忙下禮拜見學長， 深知失儀請恕諒， 山伯: (接唱) 幸得會面， 英台: (接唱) 同行路上， 山伯: (接唱) 以後有祝兄， 相偕結伴行， 最歡暢， 英台: (接唱) 山伯兄一副熱腸， 令人深深景仰， 雖則千里亦不怕路長， 山伯: (白) 祝兄，我地雖然系萍水相逢，但係彼此一見如故，小弟欲想與你結為異姓兄弟，未知你可有嫌棄呢？ 英台: (白) 辱承梁兄看重，小弟只怕高攀不起啊， 山伯: (白) 呃，祝兄你何必客氣，小弟行年十八，未知尊庚幾何呀？ 英台: (白) 小弟年方十七呀 山伯: (白) 哦，如不見棄，我就忝為兄長啦， 英台: (白) 呀，咁就好啦， 山伯: (白) 哈哈哈哈 英台: (接唱) 連忙下禮喜洋洋， 叫聲好兄長， 我地雖非血胤同父母， 情似萬丈長， 山伯: (接唱) 欣欣叫聲弟郎， 此後同行同坐兩依傍， 永不相欺休戚相顧， 情意誓毋忘， 英台: (接唱) 虔誠共拜不用焚香， 指天為誓， 富貴共享， 生死情一樣， 合: (接唱) 弟子在下神明在上， 山伯: (接唱) 結義勝親生， 甘苦永共嘗， 永相向， 英台: (接唱) 暗喜心願償， 山伯: (接唱) 大家多歡暢， 合: (接唱) 手足相敬共祝友誼長