Madan sen bajracharya

पंचमकारया रहस्य व थुकिया छ्यलाबुलाया प्रवचन रत्नकीर्ति महाविहार अध्ययन मण्डल मखंबहाःया ग्वसालय् मोहनी नखया भिंतुना कालबिल नापं लय् लय् पतिकं न्ह्याका वयाच्वंगु सूचनामूलक,ज्ञानमूलक बौद्धिक गोष्ठि ज्याझ्वःया झ्‌वलय् मखं बहाःया सर्व संघया दुजः सुजनबिलास बज्राचार्यजुं २०८३ साल असोज ३१ गते शनिवाः मखं बहालय् सुथय् पंचमकारया रहस्य व नेवा समाजय् थुकिया छ्यलाबुला विषययात कःघाना कार्यपत्रय न्ह्योब्वया बिज्यागु ज्याझ्‌वलय् संघया दुजः रविन्द्र रत्न बज्राचार्यंजुं लसकुस न्वचु बिया विज्यागु मूभि थन न्ह्योब्वया च्वना । वसपोलं थुगु ज्याझ्वलय् नेवा समाजय् झीसं छगू संस्कारया रुपय् छ्यला वयागु पंचमकार ( मत्स्य, मांस, मदिरा, मुद्रा व मैथुन)या ल्यूनेया दार्शनिक पक्षयात उलेगु ज्या याना बिज्यागु खः । अध्ययन मण्डलया नायो जीतेन्द्र विलास बज्राचार्यजुया सभा नायोसुइ न्ह्याःगु थुगु ज्याझ्‌वलय् प्रस्तृत कार्यपत्रयात कयाः प्रा. शान्त श्रीरत्न बज्राचार्यजुृं समालोचना याना बिज्यागु खः । थुकथ हे ज्याझ्‌वलय् बौद्ध संस्कृतिज्ञातापिं मदनसेन बज्राचार्य व सागर मान बज्राचार्यजुपिन्सं न थःथःगु नुगः खँ कना बिज्यायगु झ्‌वलय् पंचमकारया थीथी पक्षयात कःघाना थःगु नुगः खँ तया बिज्यागु खः । वसपोलपिं सकसितं पंचमकारयात सकारात्मक रुपं छ्यलाबुला याना वनेत हे थुकथंया ज्या म्हिगःया पूर्वजपिन्सं याना वंगु व थौं वया थुकिया गलतकथं ज्या जुयाच्वंगु खँ उला बिज्यागु दु । उकिं थुकियात बौद्ध अभ्यासकथं न्ह्याःवनेमाःगु खँय् वक्तापिन्सं बः बिया बिज्यागु दु । थुगु ज्याझ्‌वलय् मण्डलया न्वकु रविन्द्र रत्न बज्राचार्यजुं लसकुस न्वचु बिया बिज्यागु खःसा ज्याझ्‌वः रविता बज्राचार्य न्ह्याका बिज्यागु खः । सम्यक वाःपौ सु्‌गत रत्न सिन्दुराकार