المسألة التانية (التكاليف المتغيرة والكلية) بـ 3 حالات مختلفة - المحاسبة في شوال!

(إِنْ أَحْسَنْتُمْ أَحْسَنْتُمْ لِأَنْفُسِكُمْ) النهارده هنكمل مع بعض المسألة التانية في مادة التكاليف، وهنشرح فيها نظريتي التكاليف المتغيرة والكلية. المسألة دي دسمة شوية لأن فيها 3 حالات مختلفة، بس لو ركزتوا في التمهيد اللي عملناه في الأول، الباقي كله هيبقى مجرد رص أرقام في الجداول إيه اللي هنفرتكه في الفيديو ده؟ تمهيد الحل : إزاي بنحسب التكلفة المتغيرة (12 جنيه) والكلية (22 جنيه) عشان نشتغل بيهم طول المسألة . الحالة الأولى (الثبات) : ودي أسهل حالة لأن كل المستويات ثابتة عند 1000 وحدة، والحل بيبقى مكرر في الفترات التلاتة. الحالة الثانية (ثبات المبيعات وتغير الإنتاج) : ركزوا جداً في "تكة" تعديل التكاليف الصناعية. هنعرف إمتى نحط الرقم بين أقواس ونطرحه (لو الإنتاج زاد عن 1000) وإمتى نجمعه (لو قل)، ودي أهم حتة بتوقع الناس في النظرية الكلية. الحالة الثالثة (ثبات الإنتاج وتغير المبيعات) : هنشوف إزاي بنحسب هامش المساهمة وصافي الربح، وإيه اللي بيحصل لو طلع معانا "خسارة" بالسالب زي ما حصل في الفترة الأولى (4000 جنيه). نصائح مهمة من الشرح : سعر بيع الوحدة ثابت معانا (25 جنيه)، وبنضرب فيه عدد الوحدات المباعة في كل الحالات. خدوا بالكم من "تكاليف التوزيع" وإزاي بنحسبها في الحالة التالتة بناءً على الوحدات المباعة. القوانين مكتوبة لكم جنب الجداول في الفيديو، حاولوا تنقلوها عندكم عشان ما تتلخبطوش وأنتوا بتحلوا. ما تنسوش تصلوا على النبي، وبالتوفيق لو الفيديو فادك، الدعوة الحلوة تكفّي 🤍. ومتنساش الاشتراك وتفعيل الجرس علشان توصلك شروحات محاكاة الامتحانات أول بأول 🔔. رابط جروب محاكاة الامتحانات (ميدو) 👇 https://chat.whatsapp.com/JBEkDRzCY8a... رابط ماتريال سنة تانية - نظم عربي 👇 https://drive.google.com/drive/folder... رابط جروب مودرن اكاديمي هايبز 👇   / 1drpa3ytnl