{الأسبوع ف كيس}(228) انتخابات الشورى شورتك!

مر اعرابي على قوم ..فوجد شاب مات بسبب قضى ربنا زائد إهمال وتشخيص غلط ..فلقى الإعلام والمواقع بيحكوا في الحسد ..والصحافة بتستضيف المعالج الروحاني بتاعه ..واصحابه الانفلونسر بيقاوموا أحزانهم وعمالين يعملوا لايفات ويكتبوا بوستات عشان الريتش يزيد.. وصفحات سيساوية بينشروله بوستات من 2012 يعني كان عنده 16 سنة ساعتها ..عشان يقولوا عليه اخوان .. وبعدين فوجئ بالشهيد فالاوكس قام من قبره مخصوص ..عشان يشخط في هاني شاكر نقيب الموسيقيين..ولسه محدش عارف ليه شتم نقيب الموسيقيين عشان يوتيوبر مات ..وشخط في الفنانين اللي بيترحموا عليه ..برضه محدش عارف ليه..قام هاني شاكر قال له طب وانا مالي يا لمبي..راح الشهيد فالاوكس اعتذر لهاني شاكر وهو بيشخط برضه بعد ما غير الكمامة ..وهوب دخل على خط المواجهة محمد الباز ..اللي امتحنوه في اعدادي في مادة الاخلاق لوحده وطلع الرابع ..وغرد خارج السرب بقى وقال على الواد أنه كان بيتعاطى ترامادول..راح الأعرابي خد بعضه وركب جمله ..وطلع على طريق الزقازيق ميت غمر عشان يضرب 14 صحن بوظة من كشك بوظة انشراح اللي قبل المزلقان..وبعد ما خلص البوظة راح شايل الجمل على كتفه .. وطلع بيه على اقرب لجنة انتخابية عشان يبيت قدامها ..ويلحق يحط صوته قبل الزحمة وينتخب ويروح قبل ما ياخدوا منه ال 500 جنيه غرامة ويصادروا الجمل .... للدعم على Patreon :   / ahmedbehiry   الصفحة الرسمية لاحمد بحيري علي الفيسبوك   / ahmed.behiry.the.page   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ للمشاركة في إعداد و كتابة الحلقات يرجى إرسال نماذج لأعمالك على: ahmed.behiry@gmail.com