Ахбори Точикистон Имруз - 07.09.2026 | Breaking News From Tajikistan

Дар шаҳри Бохтар навбати дуюми зеристгоҳи барқии «Навобод» бо насби трансформатори қуввагии 110/35/10 кВ бо иқтидори 10 000 кВА ба истифода дода шуд, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон. Вазири энергетика ва захираҳои оби Ҷумҳурии Тоҷикистон Далер Ҷумъа дар шаҳри Бохтар аз зеристгоҳи барқии 110/35/10 кВ-и «Навобод» боздид намуда, бо вазъи фаъолияти иншоот, корҳои анҷомдода ва тадбирҳои минбаъдаи рушди инфрасохтори энергетикии шаҳр шинос гардид. Мавриди истифода қарор гирифтани навбати дуюми зеристгоҳ барои баланд бардоштани эътимоднокии таъминоти барқ, беҳтар намудани сифати хизматрасонии барқрасонӣ ва фароҳам овардани имконияти иловагӣ барои таъмини рушди шабакаҳои барқии шаҳри Бохтар заминаи мусоид фароҳам меорад. Ҳамзамон вазир бо мавзеи зеристгоҳи нави бунёдшавандаи 110/35/10 кВ дар шаҳри Бохтар шинос шуд. Зеристгоҳҳои нав ва тавсеаи иқтидори мавҷудаи интиқолу тақсимоти неруи барқ дар таъмини талаботи рӯзафзуни аҳолӣ, соҳаҳои иқтисоди шаҳри Бохтар ва беҳтар намудани сифати барқрасонӣ ва таҳкими устувории шабакаи энергетикӣ нақши муҳим хоҳанд дошт. #akhboritojikiston #новоститаджикистана #tojikiston #dushanbe