S5E21 - مفاجأة الكريستال شريمب

السلام عليكم و رحمة الله و بركات يعتبر الكريستال شريمب أولى مراحل المستوى التانى فى هواية تربية الشريمب. المستوى الأول بيتلخص فى عائلة النيوكاردينيا Neocaridina و هى عائلة الريد شيرى و اخواته اللى بيتميزوا انهم عندهم القدرة على التأقلم فى مدى واسع من خصائص المياه المختلفة ... يعنى مياه من الحنفيه كافية تماماً انها تهيألك بيئة مناسبة للشريمب انه يكبر و يتكاثر . المستوى التانى هو أنواع شريمب بتحتاج حاجة اسمها bufferred water و هى انك توصل المياه لخصائص معينة اللى بيتطلبها الشريمب و دا طبعاً بيختلف حسب النوع اللى هاتربيه ... أفضل أسلوب بس مش أسهل أسلوب لموضوع ال bufferred water هو انك تستعمل مياه آر- أو و هى مياه منزوعة الأملاح و تبدأ تضيف المواد اللى توصلك للخصائص اللى الشريمب محتاجها ... فى ناس بتمشيها نص مية حنفية و نص آر-أو و الدنيا ماشية ... بس دا مش هايوصلك لأفضل نتيجة من ناحية الحجم و اللون و الفترة العمرية للأجيال الجديدة. الريد كريستال شريمب من الأنواع المحببة للهواه لأن شكلها جميل جداً و شكلها فى الصور أو الفيديوهات عمره مايديها حقها مهما كانت الكاميرا قوية أو كان المصور محترف. البداية : الred crystal shrimp هو سلالة متحولة من taiwan bee shrimp اللى اسمها العلمى Caridina cantonensis و البداية كانت ان مفرخ يابانى اسمه هيساياسو سوزوكى اكتشف ان فيه نسخة من التايوان بى الخطوط فيها لونها أحمر بدل الأسود و بدأ يعمل منها سلالة و هو دلوقتى عنده واحدة من أكبر مزارع الكريستال شريمب فى العالم . خصائص المياه : قبل مانتكلم فى خصائص المياه بالأرقام هاتكلم فى نقطة هى كلمة السر لتربية أى نوع حساس من الشريمب و هى ان الحفاظ على ثبات خصائص المياه أهم من خصائص المياه نفسها بمعنى ان أى لعب فى خواص المياه حتى لو للأفضل بس بشكل مفاجئ بيسبب ضغط على الشريمب و الأنواع دى بيكون جهازها المناعى حساس جداً فأى ضغط بسيط بيسبب ضعف فى الجهاز المناعى . الأرقام فيها اختلافات كتير يعنى ممكن لو أزيد أو أقل الدنيا تمشى بس الأرقام اللى هاقولها دى للحصول على أفضل نتايج ممكنة. من الحاجات المهمة جداً اللى بتحافظ على ثبات خصائص المياه هى التربة النشطة active soil و وجودها ضرورى جداً فى حالة تربية الأنواع الحساسة من الشريمب. الكريستال شريمب بيحب المياه المائلة للحموضة ph من ٦.٢ ل ٦.٨ ... نسبة عسر المياه gh من ٤ ل ٦ ... القلوية kh من ٠ ل ١ ... المواد الصلبة الذائبة TDS من ١٥٠ ل ٢٠٠ صعب جداً تعرف الخصائص دى و تظبطها من غير مايكون عندك تيست للمياه تقيس بيه الباراميترز. الأكل : الكريستال شريمب زى باقى الأنواع وجبته الأساسية هى الطحالب بجميع أشكالها سواء طبيعية أو باودر أو أقراص..... طبعاً أفضل أكل ليه فى السوق هو الأكل المخصص للجمبرى عشان دا بيبقى فيه كل المواد الغذائية ال الجمبرى بيحتاجها و بيبقى عبارة عن حبوب غاطسة صغيرة و فيه منه أنواع مشهورة زى الهيكارى و الجى بى ال. ممكن ياكل أكل سمك عادى ..... و ممكن برضه ياكل خضار نص مسلوق زى الكوسة و السبانخ و القرع و البروكلى. يفضل وضع كمية الأكل ال تخلص فى حوالى ٣ ساعات عشان المية تفضل نضيفة . و طبعاً كل ما نوعية الأكل تكون انضف كل مايبقى الشريمب لونه أجمل و صحته أحسن. التكاثر : طريقة تكاثر الكريستال شريمب هى تقريباً نفس طريقة تكاثر معظم الأنواع التانية ... البيض بيتكون فى الضهر و بعد مابيتخصب بينزل على الرجول الموجودة تحت البطن و البيض بيفقس نسخة مصغرة من الآباء .... و على العكس من عائلة الشيرى شريمب الزريعة بتطلع ألوانها كاملة من أول يوم فقس ... البيض بياخد من ٣٠ ل ٤٥ يوم على ما يفقس . بالنسبة لمعرفة النوع أو الجنس بيبقى صعب فى المراحل الصغيرة إنما فى السن الكبير بيتعرف عن طريق شكل الجسم من تحت البطن عند الأنثى بيكون واخد curve دا غير ان الأنثى بتكون حجمها أكبر من الذكر ... الدرجات أو الgrades: الجريدز بتاعت الكريستال شريمب بتتحدد حسب مساحة الأحمر و الأبيض فى جسم الجمبرياية و كل مايكون اللون الأبيض أكتر كل مايكون الجريد أعلى و فى نفس الوقت يكون حساس أكتر ... يعنى أقل جيد هو جريد C و دا نسبة الأحمر فيه كبيرة جداً و أعلى جريد بيكون SSS و دا نسبة الأبيض فيه كبيرة جداً . الجريدز بالترتيب هى C,B,A,S,SS,SSS فى صورة بتوضح كل جريد بيبقى شكله عامل ازاى انهردا عبارة عن Vlog بسيط و جميل جداً عشان نستلم ال "Crystal Shrimp” انهردا عبارة عن Vlog بسيط و جميل جداً عشان نستلم ال "Crystal Shrimp” من شخص ب ينتج منه هنا في مصر و بعد كدا ب نطلع على بيت احد الاشخاص الأقوياء جداً في موضوع ال "Shrimp” و هنتكلم عن ال "Caridina Shrimp” بشكل عام و هنشوف طبعاً ال "Red Crystal Shrimp” و ال "Golden Bee Shrimp” و هنعرف ازاي ب نعمل "Acclimates” ليهم و على اي اساس و ايه الحسبة المطلوبة و هنستخدم اغلب المصطلحات القولنا عليها جروب التليجرام الجديد : https://t.me/joinchat/zsIvTZlHgNE0OWM0 رابط صفحة الفيسبوك :   / theegyptianfishtalk   رابط جروب الفيسبوك :   / 182515998949772   رابط جروب الفيس بوك لمشاركة الاعضاء :   / 336732736733167   حساب الانستجرام :   / mohamed.zaher.14   #يوميات_سمكاوي #تربية_اسماك_الزينة #Origins Music used This Moment by Jonny Easton Link:    • Enchanting Inspirational Music - Royalty F...   Check out his channel Link:    / jonnyeaston   Yours, Jonny Easton 📸 IG: Jonnyeaston1 Music used Build Mode - by Jonny Easton Link:    • Uplifting Orchestral Music - Royalty Free ...  ​ Yours, Jonny Easton