Manam thedum velicham| മനം തേടും വെളിച്ചം| Sabarimala geetham| Ayyappan

ഹരിഹര സുതൻ വാഴും ശബരിഗിരിയിൽ എത്താൻ തിരുസന്നിധിയിൽ നില്ക്കാൻ ഇവന് മോഹം (2) തൊഴുകൈകളോടെ തവ തിരുമുഖം ദർശിക്കുവാൻ സുഖദുഖ ചുമടിറക്കാൻ മനസ്സിൽ ദാഹം മനസ്സിൽ ദാഹം തിരുസന്നിധിയിൽ നില്ക്കെ അടിയന്റെ അകതാരിൽ പ്രപഞ്ചത്തിൻ പൊരുൾ വന്നു നിറയുമല്ലോ മകരമഞ്ഞു മൂടിയ മലമുകളിലുണ്ടെൻ്റെ മനം തേടും വെളിച്ചമെ - ന്നറിയുമല്ലോ അറിയുമല്ലോ ഇരുമുടിക്കെട്ടുമേന്തി കാനനവാസനെ തേടും ചിരകാല മോഹയാത പുണ്യയാത്ര പരംപൊരുളാകും അയ്യൻ അഖിലാണ്ഡമണ്ഡലം സകലവും നിറയുന്ന - തറിയും യാത്ര സുഖദുഖക്കടൽ കടന്ന വിടെ എത്തുവാനയ്യാ തുണയേകീടേണേ ഇവ - നിടം നല്കണേ (2) തവ സവിധത്തിൽ നില്ക്കെ അടിയനു മറക്കണം ഇഹലോക മോഹങ്ങൾ ജനിമൃതികൾ