អ្នកតាមដានសង្គមជំរុញឲ្យពង្រឹងសីលធម៌ប៉ូលិសចរាចរណ៍បន្ថែម ក្នុងម៉ោងការងារ

ក្រោយហេតុការណ៍ពិនិត្យជាតិអាល់កុលដែលលាយឡំដោយការប៉ះសម្តីគ្នារវាងនគរបាល ចរាចរណ៍មួយចំនួន និងមន្ត្រីជាន់ខ្ពស់រដ្ឋាភិបាលមួយរូបគឺលោក សុខ ទូច មានការរិះគន់ពីប្រជាពលរដ្ឋតាមបណ្តាញទំនាក់ទំនងសង្គមជាបន្តបន្ទាប់ពាក់ព័ន្ធនឹងអកប្បកិរិយានិងសីលធម៌នៃការបំពេញមុខងាររបស់ប៉ូលិស។ អ្នកឃ្លាំមើលសង្គមកម្ពុជាជំរុញឲ្យមានការពង្រឹងសីលធម៌បន្ថែមដល់ប៉ូលិសចរាចរណ៍ ទាំងក្នុងពេលផាកពិន័យប្រជាពលរដ្ឋនិងពេលចុះត្រួតពិនិត្យការបើកបររបស់ពលរដ្ឋ ដូចជាការពិនិត្យលើស្ថានភាពនៃការប្រើប្រាស់គ្រឿងស្រវឹង។ លោក ហាន ណូយ រាយការណ៍ឲ្យវីអូអេពីរាជធានីភ្នំពេញ៕