Jamita Partangiangan Minggu on : Judas 1:17-23

Jamita Epistel Minggu XIX Trinitatis 11 Oktober 2026 Judas 1:17-23 “Dihalomohon Debata do holong ni roha” Huria ni Tuhanta.... Ilustrasi: Indonesia juara Fifa Asean CUP. Selamat sebesar-besarnya untuk Timnas Sepakbola Indonesia yang berhasil juara Fifa Asean CUP 2026 untuk pertama kali dalam sejarah. Turut bangga dan bahagia. Kebetulan hutonton do pertandingan i 5 Okt 2026 bodarina, pertandingan na menegangkan 120 menit jala dilanjut adu penalti, menentukan juara. Na huparrohahon sian pertandingan i ima menyerang dan bertahan. Memang gumodang do peluang ni Indonesia, jala jumotjot menyerang. Sanga unggul 1-0, alai gabe sanga ketinggalan 1-2 ala sibuk menyerang alai lupa bertahan. Alai tuani ma boi kedudukan 2-2, jala ujungna monang do Indonesia 4-2 adu penalti. Na menarik ima detik-detik kemenangan di adu penalti. Bola yang ditendang tidak melenceng tapi ditepis oleh kiper Indonesia. Itulah momen detik-detik Indonesia juara. Penentu juara adalah kiper. On do na luar biasa. Kiper do pertahanan terakhir, laos ibana penentu juara. Yang bertahan hingga akhir, dialah yang menang. Jotjot do ndang tasadari, justru pertahanan do gabe penentu kemenangan. Ndada holan di pertandingan Sepak Bola songon i, alai suang songon i do di pertandingan iman ni halak Kristen. Mansai porlu do pertahanan diri yang kuat. Ai jumotjot do hita diserang, jala angka na gogo do na menyerang hita. Konteks ni turpuk jamita on tongon do halak Kristen i diserang habis-habisan hingga detik terakhir. Didok: Di angka ari parpudi, ro ma angka sipanginsahi, angka siula hahisapon, siula hajahaton dohot angka pamolamola (Judas 1:18-19). Haroro nasida ima menyerang halak Kristen sahat tu ari parpudi (hingga detik-detik terakhir). Ndang marna so serangan i, bertubi-tubi do tahe. Ndang dilean tingki mangaso alai digosa torus; naeng do nasida membobol haporseaon ni halak Kristen i. Ido umbahen dipaingot asa ganup halak Kristen mambahen pertahanan diri. Aha do siulahonon bertahan sian serangan ni angka pamolamola, panginsahi dohot siula hajahaton? Siulahonon ima: Pauliuli diri di atas haporseaon na badia situtu; martangiang di bagasan Tondi Porbadia; jala mangaramoti diri di bagasan holong ni roha ni Debata. Molo tapatupa na tolu on, nunga togu be pertahanan dirinta on mangadopi angka pamolamola i? Taida ma sadasada. Parjolo, haporseaon. Ibarat ni sada bangunan, ingkon adong pondasina asa togu jongjong bangunan i. Songon i do haporseaonta, ingkon adong do ojahanna asa togu. Aha do ojahan ni haporseaonta? Jesus Kristus. “Ai ndang tarpauli ojahan na asing, dungkon naung ojak i, i ma Jesus Kristus i” (1 Korint 3:11). Alai ndang holan ojak songon i, ingkon do ditambortambori haporseaonta i, asa magodang, mangerbang, jala marparbue. Unang muramura dirumpakhon angka sipamolamola. Paduahon, martangiang. Unang mansadi hita martangiang. Ai marhite tangiang do tubu panghirimon dohot pos ni roha tu Tuhan i. Angka sipartangiang ndang mura mardandi, ndang mura putus asa, jala ndang muramura dipalindaklindak sipanginsahi i. Alai mangolu do panghirimonna binahen ni tangiangna tu Tuhan i. Patoluhon, mangaramoti diri di bagasan holong ni Debata. Memelihara diri dalam kasih Allah. Haholongan do senjata utama ni halak Kristen. Na gogo situtu do holong ni roha jala balga do huasona laho manjaga dirinta. dohot paluahon hita. Siala holong ni Debata dilehon do AnakNa na sasada i, ima Jesus Kristus laho manobus hita sian dosa jala paluahon hita sian hajahaton. Ido sitiruonta dohot sihangoluhononta. Holong ni roha i marpardomuan do i tu karakter, sifat dohot perilaku. Holong ni roha do patiurhon pingkiranta. Ala nii, mansai gogo do holong ni roha gabe pertahanan diri maradophon angka siula hajahaton. Na tolu on ma siulahononta laho patupa pertahanan diri mangadopi serangan-serangan ni angka parjahat i, sipamolamola dohot sipanginsahi. Asa unang sanga dijebol haporseaonta, alai boi hita bertahan sahat tu ari parpudi, jala gabe juara. Huria ni Tuhanta... Angkup nii, ndada holan dirinta be sijagaon alai ingkon dohot do nang donganta, ido tondi ni huria, masipaingotan, masiajaran, masiurupan, masiasian jala masihaholongan. Ingkon taajari do donganta na ganggu roha, tarampas nasida sian api ni sibolis i (Judas 1:22-23). Api dison ima gombaran ni puncak hagogoon ni sibolis, jorgong na mansai jorbut, na gogo situtu laho pasudahon angka na porsea i. Ingkon taurupi do nasida mangarampas nasida sian api ni sibolis i. Mangarampas ima: menyelamatkan. Ibarat tim pemadam, ndang sae holan maniramhon aek paintop api i, alai ingkon do mangarampas manang mambuat sipaluhononhon sian pangallang ni api i. Lapatanna: Ingkon marsada ni roha do angka na porsea i mandalani ngolu on, lumobi ma ngolu partondion. Ai ndang boi holan dirinta tapalua, alai ingkon dohot donganta tasarihon. Marasi ni roha jala marholong ni roha tu angka na gale asa margogo nasida mandalani ngoluna. #roberthendrasimanjuntak #jamitapartangiangan #judas1:17-23