بقلاوة جزائرية بأدق التفاصيل، مورقة والحشو طري ومعسل جربوها 😍

👈 المقادير: نحتاجوا لصينية 40سم × 30سم للعجينة: 3 كيلات ونصف فرينة + نصف كيلة مايزينة (إجمالي النواشف في الأصل 1كلغ و 200غ لكن كيلو يكفيكم باش ما تبقاش العجينة) ملعقة كبيرة فانيليا رشة ملح كيلة ناقصة أصبع سمن ذايب وبارد ماء وماء الزهر لجمع العجينة (حوالي كيلة ونصف) ملاحظة: العجينة ديروها طرية وعجنوها شوية باش تعاونكم في الخدمة تاعها) للحشو: كيلو و 400غ مكسرات (درت 700غ لوز بالقشور + 700غ جوز) قرصة ملح رشة قرفة (إختيارية) 350غ سكر عادي 5 ملاعق كبار سمن ذايب وسخون ماء الزهر للتعسال: كيلو و 400غ عسل صافي بدون إضافات إضافات: خليط غلوكوز وعسل أنصاف كاملة تع الجوز